استانا قالاسىنىڭ نۇرا اۋدانىندا سالىنىپ جاتقان نىسان اۋماعىندا مۇنارالى كران كابيناسىنان ءورت شىقتى، دەپ حابارلايدى "ادىرنا" ۇلتتىق پورتالى.
وقيعا شىڭعىس ايتماتوۆ كوشەسىندە بولعان.
توتەنشە جاعدايلار دەپارتامەنتىنىڭ مالىمەتىنشە، وقيعا ورنىنا ەلوردالىق گارنيزوننىڭ كۇشتەرى مەن قۇرالدارى جەدەل تۇردە جىبەرىلگەن. العاشقى بولىمشەلەر جەتكەن كەزدە كران كابيناسىنىڭ جانىپ جاتقانى انىقتالعان.
ءورت سوندىرۋشىلەر ءتىلسىز جاۋدى قىسقا ۋاقىت ىشىندە تولىق ءسوندىردى. وقيعا سالدارىنان زارداپ شەككەندەر جوق.
قۇزىرلى ورگاندار ءورتتىڭ شىعۋ سەبەپتەرىن انىقتاپ جاتىر.
ۇقساس جاڭالىقتار
