ەلىمىزدە قۇرىلتاي سايلاۋى قارساڭىندا «ادىلەت» دەپ اتالاتىن جاڭا ساياسي پارتيا تىركەلەدى. بۇل تۋرالى باستاماشىل توپ 15 ساۋىردە مالىمدەدى، دەپ حابارلايدى «ادىرنا» ءتىلشىسى.
ايتۋلارىنشا، جاڭا پارتيا ءوزىن پروگرەسسيۆتى رەفورمالاردى قولداۋشى، ادىلەتتى قازاقستان قۇرۋ يدەياسىن جاقتاۋشى، زاڭ ۇستەمدىگىن نىعايتۋدى جانە شەشىم قابىلداۋ ۇدەرىسىنە ازاماتتاردىڭ قاتىسۋىن كەڭەيتۋدى كوزدەيتىن ساياسي كۇش بولماق.
ء«بىز 2026 جىلعى 15 ناۋرىزدا قازاقستاننىڭ جاڭا كونستيتۋتسياسىن قولداعان كوپشىلىك اتىنانبىز»، – دەلىنگەن حابارلامادا.
باستاماشىل توپ 16 ءساۋىر كۇنى ادىلەت مينيسترلىگىنە پارتيانى تىركەۋ ءراسىمىن باستاۋ تۋرالى ءوتىنىش بەرۋدى جوسپارلاپ وتىر. بۇدان كەيىن جاڭا ساياسي ۇيىمنىڭ قۇرىلتاي سەزىن وتكىزۋ كوزدەلگەن.
جاڭا پارتيا قۇرۋ تۋرالى ۇندەۋگە قول قويعاندار اراسىندا گۇلزيرا اتاباەۆا، رەنات بەكتۋروۆ، قارلىعاش جامانقۇلوۆا، دينارا زاكيەۆا، راۋان كەنجەحانۇلى، لاۋرا قاراباسوۆا، اندرەي لاۆرەنتەۆ، نۇربەك ماتجاني، مارات شيبۋتوۆ، ءلاززات شىڭعىسباەۆا جانە وزگە دە تۇلعالار بار.
