قازاق كينو ونەرىنە قاتىستى داۋ تۋدىرعان قامزول ماسەلەسىنە وراي تانىمال اكتريسا مەرۋەرت وتەكەشەۆا ءوز پىكىرىن ءبىلدىردى، دەپ حابارلايدى "ادىرنا" ۇلتتىق پورتالى.
اكتريسامەن جۋرناليست گۇلبانۋ ابەنوۆا سۇحباتتاسقان. ونىڭ ايتۋىنشا، قوعامدا قىزۋ تالقىلانىپ جاتقان قامزول – تۇپنۇسقا بۇيىم.
اكتريسانىڭ سوزىنشە، كەزىندە فيلمگە پايدالانىلعان كوپتەگەن رەكۆيزيتتەر مەن كوستيۋمدەر ءتۇرلى سەبەپتەرمەن جان-جاققا تاراپ كەتكەن. قازىرگى تاڭدا مۇنداي جادىگەرلەردىڭ ءبىر بولىگى جەكە ادامداردىڭ قولىندا ساقتالىپ وتىر. ال مۋزەيدە تەك ءبىر عانا نۇسقا بار، بىراق وعان دا ءتيىستى دەڭگەيدە كۇتىم جاسالماي وتىرعانى ايتىلدى.
مەرۋەرت وتەكەشەۆا بۇل ماسەلەگە قاتىستى پىكىرتالاستىڭ تىم ۋشىعىپ كەتكەنىن قۇپتامايتىنىن جەتكىزدى. ونىڭ ايتۋىنشا، نازار ەڭ الدىمەن ءوزى سياقتى ونەر قايراتكەرلەرىنە اۋدارىلۋى ءتيىس. اكتريسا اتالعان فيلمگە تۇسكەن ارىپتەستەرىنىڭ ىشىندە ءتىرى قالعان جالعىز ءوزى ەكەنىن اتاپ ءوتتى.
"ميللياردەردىڭ ايەلى مەرەيتويىن تويلاپ بەرەم دەگەنگە شاماسى ۇمىتتەنىپ وتىرعان سياقتى اسەر قالدىردى. وسى جىلدىڭ اقپانىندا مەرۋەرت حانىم 75-كە تولدى.
دەنساۋلىق، ۇزاق ءومىر تىلەيىك، قازاق كينو ونەرىنىڭ دامۋىنا زور ۇلەس قوسقان اكتريسامىزعا.
