پروديۋسەر بايان ماقساتقىزى قازاقستاننىڭ حالىق ءارتىسى مەرۋەرت وتەكەشوۆاعا پاتەر سىيلادى. ودان بولەك ەكى ادامعا ارنالعان تۇركياعا 10 كۇندىك دەمالىسقا جولداما تارتۋ ەتتى. قۋانىشتى ءساتتىڭ ۆيدەوسىن پروديۋسسەر Instagram-داعى پاراقشاسىندا جاريالادى، دەپ حابارلايدى "ادىرنا".
بايان الاگوزوۆانىڭ ايتۋىنشا، ول بۇل سىيلىقتى وسىدان 2,5 اي بۇرىن ۋادە ەتكەن ءارى ونى حالىق ءارتىسىنىڭ تالعامىنا ساي ەتىپ ازىرلەپ، بارلىق قاجەتتى جيھاز بەن تۇرمىستىق تەحنيكانى ساتىپ العان.
ء"بىز ءسىزدىڭ بىردەن كەلىپ، تۇرا بەرەتىندەي ءۇي دايىنداۋعا تىرىستىق. ديزاينىن ءوزىم ويلاستىردىم. بارلىعى جايلى ءارى تىنىش اتموسفەرادا بولعانىن قالادىم. ءوزىڭىز جاقسى كورەتىن حرۋستال شامداردى ارنايى تاڭدادىق، سۇيىكتى سۋرەتشىم بوتاگوز اقاناەۆانىڭ كارتيناسىن الدىردىم. بۇل پاتەردى ەكى اي بويى دايىندادىق”، - دەيدى پروديۋسەر.
پاتەردى ارالاپ شىققان مەرۋەرت وتەكەشوۆا مۇنداي سىيلىق كۇتپەگەنىن ايتىپ، ءوز تولعانىسىن جاسىرا المادى.
ءۇيدى ارالاپ بولعاننان كەيىن بايان الاگوزوۆا مەرۋەرت وتەكەشوۆاعا ەكى ادامعا ارنالعان تۇركياعا 10 كۇندىك دەمالىسقا جولداما سىيلايتىنىن ايتتى. ءوز كەزەگىندە حالىق ءارتىسى تۇركياعا العاش رەت بارعالى تۇرعانىن سىبىرلاي ۇيالا جەتكىزدى.
"شىن با" دەپ وتەكەشوۆانى قۇشاقتاي العان الاگوزوۆا: ء"سىز بۇعان ابدەن لايىقسىز. ءسىز – حالىق ءارتىسىسىز، سوندىقتان ءومىردىڭ بار جاقسىسىن كورۋگە ءتيىسسىز”، – دەدى.
