Prodiuser Baian Maqsatqyzy Qazaqstannyŋ halyq ärtısı Meruert Ötekeşovaǧa päter syilady. Odan bölek ekı adamǧa arnalǧan Türkiiaǧa 10 kündık demalysqa joldama tartu ettı. Quanyşty sättıŋ videosyn prodiusser Instagram-daǧy paraqşasynda jariialady, dep habarlaidy "Adyrna".
Baian Alagözovanyŋ aituynşa, ol būl syilyqty osydan 2,5 ai būryn uäde etken ärı ony Halyq ärtısınıŋ talǧamyna sai etıp äzırlep, barlyq qajettı jihaz ben tūrmystyq tehnikany satyp alǧan.
"Bız sızdıŋ bırden kelıp, tūra beretındei üi daiyndauǧa tyrystyq. Dizainyn özım oilastyrdym. Barlyǧy jaily ärı tynyş atmosferada bolǧanyn qaladym. Özıŋız jaqsy köretın hrustal şamdardy arnaiy taŋdadyq, süiıktı suretşım Botagöz Aqanaevanyŋ kartinasyn aldyrdym. Būl päterdı ekı ai boiy daiyndadyq”, - deidı prodiuser.
Päterdı aralap şyqqan Meruert Ötekeşova mūndai syilyq kütpegenın aityp, öz tolǧanysyn jasyra almady.
Üidı aralap bolǧannan keiın Baian Alagözova Meruert Ötekeşovaǧa ekı adamǧa arnalǧan Türkiiaǧa 10 kündık demalysqa joldama syilaitynyn aitty. Öz kezegınde Halyq ärtısı Türkiiaǧa alǧaş ret barǧaly tūrǧanyn sybyrlai ūiala jetkızdı.
"Şyn ba" dep Ötekeşovany qūşaqtai alǧan Alagözova: "Sız būǧan äbden laiyqsyz. Sız – Halyq ärtısısız, sondyqtan ömırdıŋ bar jaqsysyn köruge tiıssız”, – dedı.
