استانادا مەككەگە قاجىلىققا بارۋدى ۇيىمداستىرۋ سىلتاۋىمەن ازاماتتاردى الداعان ەر ادامعا قاتىستى سوت ۇكىمى شىقتى، دەپ حابارلايدى "ادىرنا" ۇلتتىق پورتالى.
بۇل تۋرالى استانا قالاسىنىڭ پروكۋراتۋراسى حابارلادى.
ۆەدومستۆو مالىمەتىنشە، كۇدىكتى ءوزىن قاجىلىق ساپارىن ۇيىمداستىرۋشى رەتىندە تانىستىرىپ، جالعان اۋە بيلەتتەرى مەن قوناقۇي قىزمەتتەرىن ۇسىنامىن دەپ ازاماتتاردىڭ سەنىمىنە كىرگەن. سونىڭ ناتيجەسىندە ول 17 ادامدى الداپ، 7,4 ملن تەڭگەدەن استام قاراجاتتى يەمدەنگەن.
جابىرلەنۋشىلەر قاتارىندا ەلىمىزدىڭ ءتۇرلى وڭىرلەرىنەن شىققان ازاماتتار، سونىڭ ىشىندە اتا-انالارىن قاجىلىققا جىبەرۋدى جوسپارلاعان وتباسىلار دا بولعان.
سوت بارىسىندا ايىپتالۋشى ءوز كىناسىن تولىق مويىنداپ، كەلتىرىلگەن شىعىندى وتەگەنى بەلگىلى بولدى.
سوت ۇكىمىمەن ول ءىرى كولەمدەگى الاياقتىق جاساعانى ءۇشىن كىنالى دەپ تانىلىپ، 3 جىل مەرزىمگە باس بوستاندىعىن شەكتەۋ جازاسىنا كەسىلدى. سونىمەن قاتار وعان پروباتسيالىق باقىلاۋ بەلگىلەندى.
قۇزىرلى ورگاندار ازاماتتاردى قاجىلىق ساپارلارىن ۇيىمداستىرۋ كەزىندە تەك رەسمي جانە تەكسەرىلگەن كومپانيالارعا جۇگىنۋگە شاقىرادى.
