Astanada Mekkege qajylyqqa barudy ūiymdastyru syltauymen azamattardy aldaǧan er adamǧa qatysty sot ükımı şyqty, dep habarlaidy "Adyrna" ūlttyq portaly.
Būl turaly Astana qalasynyŋ prokuraturasy habarlady.
Vedomstvo mälımetınşe, küdıktı özın qajylyq saparyn ūiymdastyruşy retınde tanystyryp, jalǧan äue biletterı men qonaqüi qyzmetterın ūsynamyn dep azamattardyŋ senımıne kırgen. Sonyŋ nätijesınde ol 17 adamdy aldap, 7,4 mln teŋgeden astam qarajatty iemdengen.
Jäbırlenuşıler qatarynda elımızdıŋ türlı öŋırlerınen şyqqan azamattar, sonyŋ ışınde ata-analaryn qajylyqqa jıberudı josparlaǧan otbasylar da bolǧan.
Sot barysynda aiyptaluşy öz kınäsın tolyq moiyndap, keltırılgen şyǧyndy ötegenı belgılı boldy.
Sot ükımımen ol ırı kölemdegı alaiaqtyq jasaǧany üşın kınälı dep tanylyp, 3 jyl merzımge bas bostandyǧyn şekteu jazasyna kesıldı. Sonymen qatar oǧan probasiialyq baqylau belgılendı.
Qūzyrly organdar azamattardy qajylyq saparlaryn ūiymdastyru kezınde tek resmi jäne tekserılgen kompaniialarǧa jügınuge şaqyrady.
