Reseilık prodiuser, şoubiznes ökılı Iаna Rudkovskaia 29 säuır künı Astana qalasyndaǧy Halyqqa qyzmet körsetu ortalyǧyna baryp, memlekettık qyzmetke jügıngen. Onyŋ būl sapary köpşılıktıŋ nazaryn audardy, dep habarlaidy "Adyrna" ūlttyq portaly.
Äsırese, Rudkovskaiany "Azamattarǧa arnalǧan ükımet" töraǧasy Arman Kenjeǧalievtıŋ özı jeke ertıp jürgenı äleumettık jelıde qyzu pıkırtalas tuǧyzdy.
«Azamattarǧa arnalǧan ükımet» memlekettık korporasiiasynyŋ resmi habarlauynşa, Rudkovskaia – Qazaqstanda düniege kelgen, ata jūrtyna jiı kelıp tūratyn azamat. Būl jolǧy saparynyŋ maqsaty – jyljymaityn mülık satyp aluǧa bailanysty qūjat räsımdeu. Prodiuser eldegı sifrlandyru deŋgeiı men HQKO qyzmetıne joǧary baǧa berıp, qazaqstandyq servistıŋ sapasyna riza bolǧanyn jetkızdı. Eldegı qyzmettı "zamanaui ärı jyldam" dep baǧalaǧan.
«Mūndai zamanaui ärı jyldam qyzmet körsetu jüiesın är elden kezdestıre bermeisıŋ. Körsetılgen qyzmet pen sifrlyq şeşımder maǧan öte ūnady», – dedı Iаna Rudkovskaia.
Alaida būl sät jelıde ekıūşty pıkır tudyrdy. Bırı: «Qazaqstanǧa qoş keldıŋ!», «Otanynan alystamaǧany quantady» dep jyly lebızın bıldırse, ekınşı tarap «Nege qarapaiym halyqqa mūndai qūrmet körsetılmeidı?», «Jeke qyzmet pe būl?» degen mazasyz sūraqtaryn jaudyrdy.
Keibır qoldanuşylar HQKO-da ūzaq kezek kütıp, keide mamandardan mardymdy jauap ala almai jatatyndaryn da aitqan.
