Grammy syilyǧynyŋ iegerı qazaqstandyq İmanbek Zeikenov reseilık Comedy Club teleşouynyŋ qonaǧy boldy, dep habarlaidy "Adyrna" ūlttyq portaly derekközge sılteme jasap.
Pavel Volia men Garik Harlamov şouda İmanbektıŋ kım ekenın aitty. Videosy Youtube-te jariialandy. Onda Pavel Volia qazır şoudy qarap otyrǧan barlyq qazaqtyŋ eŋsesı köterılıp qaldy dep äzıldedı.
Sondai-aq, qazaqstandyq üş jyl būryn muzykamen ainalysa bastaǧanyn aitty. Sonda Volia taŋdanyp: "Üş jyl būryn. Kım ol özı?" deidı. Al İmanbek joly bolǧyş adam ekenın aitty.
Jürgızuşıler 2020 jyldyŋ qazanynda ol amerikalyq Usher jäne Marshmello-men bırge trek jazǧanyn eske saldy. "Än "Too much" dep atalady. Al 2021 jyldyŋ aqpanynda İmanbek pen ūlybritaniialyq änşı Rita Ora "Bang" atty jaŋa şaǧyn albom şyǧardy", - dedı olar. Sonda Pavel Volianyŋ taŋdanysyna İmanbek "Men - qazaqpyn" dep qysqaşa jauap qatty, sodan keiın Harlamovtan taǧy bır äzılı kettı:
"Sen qazaq emessıŋ, sen - "qazaqtyŋ Külbikesısıŋ", - dedı Garik Harlamov.Osydan keiın reseilık jürgızuşıler qazaqstandyqqa taŋdanysyn bıldırıp, oǧan qarapaiym ärı sabyrly jıgıt bolyp qala beruın tıledı. Şoudyŋ İmanbek qatysqan sätın myna jerden köruge bolady: https://youtu.be/uFczHU4owak
Ūqsas jaŋalyqtar
