Reseı syrtqy ister mınıstrliginiń resmı ókili Marııa Zaharova Túrkııa prezıdenti Rejep Taıyp Erdoǵannyń Sırııanyń soltústiginde jańa áskerı operaııanyń bastalýy týraly málimdemesine pikir bildirdi. Bul týraly Reseı Syrtqy ister mınıstrliginiń saıty jazdy, dep habarlaıdy “Adyrna” ulttyq portaly.
"Mundaı kúshtik operaııa týraly habarlamalar dabylmen qabyldandy. Sırııa Arab Respýblıkasynyń zańdy úkimetiniń kelisiminsiz jasalǵan mundaı qadam, eldiń egemendigi men aýmaqtyq tutastyǵyn tikeleı buzý jáne osy eldegi shıelenistiń qosymsha ýshyǵýyna sebep bolady. Ankara Sırııadaǵy jaǵdaıdyń ýshyǵýyn boldyrmaıdy dep úmittenemiz", - dedi Zaharova Reseı Syrtqy ister mınıstrliginiń saıtynda.
Sondaı-aq, Túrkııanyń ulttyq qaýipsizdigine tónetin qaýipine baılanysty alańdaýshylyǵyna da pikirin bildire ketti.
"Túrkııanyń ulttyq qaýipsizdikke tónetin qaýip-qaterge baılanysty alańdaýshylyǵyna túsinistikpen qaraımyz. Osyǵan baılanysty Sırııa-Túrkııa shekarasyndaǵy qaýipsizdikti áskerı qyzmetshiler ornalastyrý arqyly qamtamasyz etýge bolady dep oılaımyz. Bul Ankaranyń Sırııanyń egemendigi men aýmaqtyq tutastyǵyn qurmetteý týraly birneshe ret resmı aıtylǵan málimdemeleriniń praktıkalyq kórinisi bolar edi", - delingen RF SIM resmı ókiliniń habarlamasynda.
