اقش پرەزيدەنتى دونالد ترامپ يرانمەن سوعىستاعى ءبىتىمدى ۇزارتاتىنىن مالىمدەدى. ءتيىستى مالىمدەمەنى ول 22 ساۋىرگە قاراعان ءتۇنى جاسادى، دەپ حابارلايدى «ادىرنا» ءتىلشىسى DW-گە سىلتەمە جاساپ.
«فەلدمارشال اسيم مۋنير (پاكىستان قارۋلى كۇشتەرىنىڭ قولباسشىسى — رەد.) مەن پاكىستان پرەمەر-ءمينيسترى شاحباز شاريف يرانعا شابۋىلدى ولاردىڭ باسشىلارى مەن وكىلدەرى ورتاق ۇسىنىس ازىرلەگەنگە دەيىن توقتاتا تۇرۋدى سۇرادى»، — دەپ جازدى ترامپ Truth Social جەلىسىندە.
سونداي-اق ول «يران ۇكىمەتىنىڭ ىشىندە ەلەۋلى الاۋىزدىق بار ەكەنىن» دە ەسكەرگەنىن اتاپ ءوتتى. اقش پرەزيدەنتىنىڭ ايتۋىنشا، اتىستى توقتاتۋ رەجيمى «ولاردىڭ ۇسىنىسى ۇسىنىلىپ، كەلىسسوزدەر قانداي دا ءبىر ناتيجەمەن اياقتالعانعا دەيىن» كۇشىندە بولادى. سونىمەن قاتار ترامپ اقش ارمياسىنا ورمۇز بۇعازى بلوكاداسىن «جالعاستىرۋدى» جانە «باسقا بارلىق باعىتتا جاۋىنگەرلىك دايىندىقتى ساقتاۋدى» تاپسىرعانىن اتاپ ءوتتى.
ايتا كەتەيىك، اقش پەن يران اراسىنداعى كەلىسسوزدەردىڭ ەكىنشى راۋندى يسلاماباد قالاسىندا وتەتىنى ازىرگە بەلگىسىز.
