پاكىستان پرەمەر-ءمينيسترى شاحباز شاريف اقش پرەزيدەنتى دونالد ترامپقا يرانداعى اتىستى توقتاتۋ رەجيمىن ۇزارتۋعا كەلىسىم بەرگەنى ءۇشىن العىس ايتتى، دەپ حابارلايدى «ادىرنا» ءتىلشىسى.
«فەلدمارشال اسيم مۋنير ەكەۋمىزدىڭ اتىمىزدان پرەزيدەنت ترامپقا ديپلوماتيالىق كۇش-جىگەر جالعاسۋى ءۇشىن ءبىتىمدى ۇزارتۋ تۋرالى ءوتىنىشىمىزدى قابىل العانى ءۇشىن شىنايى العىسىمدى بىلدىرەمىن»، — دەدى ول جەلىدەگى پاراقشاسىندا.
ءشاريفتىڭ ايتۋىنشا، پاكىستان قاقتىعىستى بەيبىت جولمەن رەتتەۋ ءۇشىن بەلسەندى كۇش سالۋدى جالعاستىرادى. ول سونداي-اق تاراپتاردىڭ ءبىتىمدى ساقتاپ، جان-جاقتى بەيبىت كەلىسىمگە كەلە الاتىنىنا ءۇمىت ءبىلدىردى.
بۇعان دەيىن ەكىنشى راۋندتاعى كەلىسسوزدەر بۇگىن يسلاماباد قالاسىندا ءوتۋى ءتيىس بولعانى حابارلانعان، الايدا يران تاراپىنىڭ ۇستانىمىنا بايلانىستى كەزدەسۋ بەلگىسىز مەرزىمگە كەيىنگە شەگەرىلگەن.
“نە دەگەن سيمۆوليزم؟!”: بۇگىن زەلەنسكي توقاەۆقا العىسىن، ال لاۆروۆ تاسماعامبەتوۆكە سەنىمىن ءبىلدىردى
