بۇگىن، 22 ساۋىردە حالىق اقىنى مۇحتار شاحانوۆ ارىستان باب كەسەنەسى ماڭىنداعى قوعام اۋىلىنىڭ زيراتىنا جەرلەندى, دەپ حابارلايدى «ادىرنا» ءتىلشىسى.
مارقۇمدى اقتىق ساپارعا شىعارىپ سالۋعا ەلدىڭ تۇكپىر-تۇكپىرىنەن زيالى قاۋىم وكىلدەرى، اقىن-جازۋشىلار، مەملەكەت جانە قوعام قايراتكەرلەرى، سونداي-اق ونىڭ شىعارمالارىن جوعارى باعالايتىن قالىڭ وقىرمان قاۋىمى جينالدى. ولاردىڭ قاتارىندا ءماجىلىس دەپۋتاتتارى قازىبەك يسا مەن رينات زايىتوۆ، سونداي-اق تۇركىستان وبلىسىنىڭ اكىمى نۇرالحان كوشەروۆ بار.
قوشتاسۋ ءراسىمى اقىننىڭ تۋعان جەرى – شىلىك اۋىلىنداعى قارا شاڭىراعىندا ءوتتى.
ەسكە سالا كەتسەك، مۇحتار شاحانوۆ 19 ءساۋىر كۇنى 84 جاسقا قاراعان شاعىندا دۇنيەدەن وتكەن ەدى. بۇعان دەيىن اقىننىڭ جۇبايى حانشايىم شاحانوۆا پرەزيدەنت قاسىم-جومارت توقاەۆ اتىنا حات جولداپ، ونى ارىستان باب كەسەنەسى اۋماعىندا جەرلەۋدى سۇراعان بولاتىن.
مۇحتار شاحانوۆ 1942 جىلى قازىرگى تۇركىستان وبلىسى اۋماعىنداعى لەڭگىر اۋدانى قاسقاسۋ اۋىلىندا تۋعان.
