قازاقستاندىق ءانشى نۇرجاس سادىرباەۆ ديماش قۇدايبەرگەننىڭ باستاماسىمەن ۇيىمداستىرىلعان "Voice Beyond Horizon" ۆوكالدىق بايقاۋىندا جەڭىسكە جەتتى، دەپ حابارلايدى "ادىرنا".
ونەرپازدى قر پرەمەر-ءمينيسترىنىڭ ورىنباسارى – مادەنيەت جانە اقپارات ءمينيسترى ايدا بالاەۆا قۇتتىقتادى.
«نۇرجاستىڭ تالانتى، ەڭبەگى مەن ساحناداعى شەبەرلىگى الەمنىڭ ءار ەلىنەن كەلگەن قاتىسۋشىلار اراسىندا ەرەكشە تانىلىپ، لايىقتى تۇردە جوعارى باعالاندى.
ديماش قۇدايبەرگەننىڭ باستاماسىمەن ىسكە اسقان جوبا تۇركىستان قالاسىندا باستاۋ الىپ، اقتاۋ مەن الماتىدا جالعاسىپ، ەلوردادا قورىتىندىلاندى. قىتاي، قازاقستان، مالايزيا، سەربيا، يتاليا جانە قىرعىزستان ەلدەرىنەن كەلگەن قاتىسۋشىلار قازاقستاننىڭ كيەلى جەرلەرىن بىرگە ارالاپ، حالقىمىزدىڭ مادەنيەتىمەن، تاريحىمەن جانە ەلىمىزدىڭ باي تابيعاتىمەن تانىستى.
ونەر جولىندا تاباندى ەڭبەك ەتىپ، ەلىمىزدىڭ مادەنيەتىن الەمگە تانىتىپ جۇرگەن جاس دارىن يەسىنە الداعى ۋاقىتتا دا جاڭا شىعارماشىلىق جەتىستىكتەر تىلەيمىن»، – دەلىنگەن قۇتتىقتاۋدا.
مۋزىكانتتى ديماش قۇدايبەرگەن دە قۇتتىقتاپ، ونىڭ شەبەرلىگى مەن مۋزىكاعا دەگەن سۇيىسپەنشىلىگىنە العىس ءبىلدىردى.
ال نۇرجاستىڭ ءوزى بۇل جەڭىستى بۇكىل قازاقستاننىڭ جەڭىسى دەپ اتاپ ءوتتى.
"قۇرمەتتى اعايىن! بۇگىنگى جەڭىسپەن بارشاڭىزدى شىن جۇرەكتەن قۇتتىقتايمىن! بۇل جەڭىس تەك مەنىڭ عانا ەمەس، كۇللى” قازاق “ەلىنىڭ جەڭىسى.
ماعان جانكۇيەر بولىپ، مەن ءۇشىن ۋايىمداعان جاندارعا العىسىم شەكسىز! وسى ورايدا اعام ، ديماش قۇدايبەرگەنگە العىسىمدى بىلدىرەمىن. اعا سىزگە كوپ راحمەت. العىسىم شەكسىز! مەنى وسى دەڭگەيگە جەتكىزگەن ەلىمنەن اينالايىن", - دەپ جازدى نۇرجاس.
ايتا كەتسەك، بايقاۋدىڭ ءتۇسىرىلىمى قازاقستاننىڭ كورىكتى جەرلەرىندە وتكەن. جوباعا التى ەلدەن كەلگەن انشىلەر قاتىستى.
