Qazaqstandyq änşı Nūrjas Sadyrbaev Dimaş Qūdaibergennıŋ bastamasymen ūiymdastyrylǧan "Voice Beyond Horizon" vokaldyq baiqauynda jeŋıske jettı, dep habarlaidy "Adyrna".
Önerpazdy QR Premer-Ministrınıŋ orynbasary – Mädeniet jäne aqparat ministrı Aida Balaeva qūttyqtady.
«Nūrjastyŋ talanty, eŋbegı men sahnadaǧy şeberlıgı älemnıŋ är elınen kelgen qatysuşylar arasynda erekşe tanylyp, laiyqty türde joǧary baǧalandy.
Dimaş Qūdaibergennıŋ bastamasymen ıske asqan joba Türkıstan qalasynda bastau alyp, Aqtau men Almatyda jalǧasyp, elordada qorytyndylandy. Qytai, Qazaqstan, Malaiziia, Serbiia, İtaliia jäne Qyrǧyzstan elderınen kelgen qatysuşylar Qazaqstannyŋ kielı jerlerın bırge aralap, halqymyzdyŋ mädenietımen, tarihymen jäne elımızdıŋ bai tabiǧatymen tanysty.
Öner jolynda tabandy eŋbek etıp, elımızdıŋ mädenietın älemge tanytyp jürgen jas daryn iesıne aldaǧy uaqytta da jaŋa şyǧarmaşylyq jetıstıkter tıleimın», – delıngen qūttyqtauda.
Muzykantty Dimaş Qūdaibergen de qūttyqtap, onyŋ şeberlıgı men muzykaǧa degen süiıspenşılıgıne alǧys bıldırdı.
Al Nūrjastyŋ özı būl jeŋıstı bükıl Qazaqstannyŋ jeŋısı dep atap öttı.
"Qūrmettı aǧaiyn! Bügıngı jeŋıspen barşaŋyzdy şyn jürekten qūttyqtaimyn! Būl jeŋıs tek menıŋ ǧana emes, küllı” Qazaq “elınıŋ jeŋısı.
Maǧan janküier bolyp, men üşın uaiymdaǧan jandarǧa alǧysym şeksız! Osy oraida aǧam , Dimaş Qūdaibergenge alǧysymdy bıldıremın. Aǧa sızge köp rahmet. Alǧysym şeksız! Menı osy deŋgeige jetkızgen elımnen ainalaiyn", - dep jazdy Nūrjas.
Aita ketsek, baiqaudyŋ tüsırılımı Qazaqstannyŋ körıktı jerlerınde ötken. Jobaǧa alty elden kelgen änşıler qatysty.
