2026 جىلدىڭ 17 ساۋىردە ال-فارابي اتىنداعى قازاق ۇلتتىق ۋنيۆەرسيتەتى جوعارى وقۋ ورنىنا دەيىنگى ءبىلىم بەرۋ فاكۋلتەتىندە جوعارى وقۋ ورنىنا دەيىنگى دايىندىق كافەدراسىنىڭ تاريحشى-عالىمدارى ۇيىمداستىرعان «ۇلتتىق تاريح پەن مەملەكەتتىك يدەيانىڭ تسيفرلىق جانە جاساندى ينتەللەكت داۋىرىندەگى ترانسفورماتسياسى» تاقىرىبىندا حالىقارالىق عىلىمي-ادىستەمەلىك كونفەرەنتسيا ءوتتى.
كونفەرەنتسيانىڭ سالتاناتتى اشىلۋ ءراسىمىن جوعارى وقۋ ورنىنا دەيىنگى دايىندىق كافەدراسىنىڭ اعا وقىتۋشىسى، تاجىريبەلى تاريحشى بەگاليەۆا ايشا كارىپجانوۆنا اشىپ، جيىننىڭ ماڭىزدىلىعىنا توقتالدى. ءىس-شارانىڭ رەسمي ءبولىمى فاكۋلتەت دەكانى بەكتانوۆ الماس اۋەلبەكۇلىنىڭ قۇتتىقتاۋ سوزىمەن جالعاستى، ءوز سوزىندە ول ۇلتتىق تاريحتى جاڭاشا عىلىمي پاراديگمادا زەردەلەۋدىڭ ماڭىزدىلىعىن اتاپ ءوتىپ، تسيفرلىق ءداۋىر جاعدايىندا گۋمانيتارلىق عىلىمداردىڭ ءرولى ارتا تۇسەتىنىنە ەرەكشە توقتالدى. سونىمەن قاتار، كونفەرەنتسيا جۇمىسىنا ساتتىلىك تىلەپ، شەتەلدىك جانە وتاندىق عالىمدارعا العىسىن ءبىلدىردى.
اتالعان عىلىمي جيىن ۇلتتىق تاريحتى زەرتتەۋدىڭ زاماناۋي ادىسنامالىق باعىتتارىن، تسيفرلىق تەحنولوگيالار مەن جاساندى ينتەللەكتتىڭ گۋمانيتارلىق عىلىمدارعا ىقپالىن تالقىلاۋعا ارنالعان ماڭىزدى حالىقارالىق عىلىمي الاڭعا اينالدى. كونفەرەنتسيانىڭ باستى ماقساتى – ۇلتتىق تاريحي سانانى جاڭعىرتۋ، مەملەكەتتىك يدەيانىڭ تاريحي ساباقتاستىعىن ايقىنداۋ، سونداي-اق ءبىلىم بەرۋ ۇدەرىسىندە تسيفرلىق قۇرالداردى ءتيىمدى پايدالانۋ مۇمكىندىكتەرىن عىلىمي تۇرعىدا زەردەلەۋ بولدى. پلەنارلىق ءماجىلىس بارىسىندا وتاندىق جانە شەتەلدىك عالىمدار قاتىسىپ، وزەكتى عىلىمي باياندامالار جاسادى. اتاپ ايتقاندا، پەداگوگيكا عىلىمدارىنىڭ دوكتورى، پروفەسسور Isroilova Dildora (وزبەكستان), Kamola Muradkasimova جانە Elmira ءAliyeva بىلىم بەرۋ سالاسىندا جاساندى ينتەللەكتتىڭ پەرسپەكتيۆالارىن جان-جاقتى تالدادى. سونىمەن قاتار، تسيفرلىق ترانسفورماتسيا جاعدايىنداعى ءبىلىم بەرۋ جۇيەسىنىڭ دامۋ باعىتتارىن عىلىمي تۇرعىدا سارالاپ، حالىقارالىق تاجىريبە نەگىزىندە ماڭىزدى تۇجىرىمدار ۇسىندى. سونىمەن بىرگە، ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى قاۋىمداستىرىلعان پروفەسسورى، فيلوسوفيا عىلىمدارىنىڭ كانديداتى حايرۋللاەۆا ۆەنەرا حيبادۋللاەۆنا «ۇلتتىق كود – ۇلتتىق بىرەگەيلىكتىڭ ماندىك وزەگى. ۇلتتىق بىرەگەيلىكتى ساقتاۋ ماسەلەلەرى» تاقىرىبىندا بايانداما جاساپ، ۇلتتىق قۇندىلىقتاردى ساقتاۋدىڭ وزەكتى قىرلارىن كوتەردى. اباي اتىنداعى قازاق ۇلتتىق پەداگوگيكالىق ۋنيۆەرسيتەتى دوتسەنتى، تاريح عىلىمدارىنىڭ كانديداتى شامشيدەنوۆا فاكيا مەشۆەدەنوۆنا «پانارالىق ادىستەردى تاريحي زەرتتەۋلەردە قولدانۋدىڭ مەتودولوگيالىق نەگىزدەرى مەن پرينتسيپتەرى» تاقىرىبىندا بايانداما جاساپ، تاريحي زەرتتەۋلەردەگى زاماناۋي عىلىمي تاسىلدەردىڭ ماڭىزىن ايقىندادى. دۇنيەجۇزىقازاقتارى قاۋىمداستىعىنىڭ الماتى قالالىق فيليالىنىڭ باسشىسى، اقىن، فيلوسوف. قازاقستان جازۋشىلار وداعىنىڭ مۇشەسى، حالىقارالىق تۇرىكسوي ۇيىمى باس حاتشىسىنىڭ كەڭەسشىسى مۇراتحان شوقان: «جاراتىلىسناما»: كەمەلدەنۋدىڭ جەتى شەڭبەرى ءىلىمى» تاقىرىبىندا بايانداما جاسادى.
حالىقارالىق عىلىمي ديالوگ اياسىندا ۇلتتىق بىرەگەيلىك، تاريحي جادى، مەملەكەتشىلدىك قۇندىلىقتار جانە جاساندى ينتەللەكتتىڭ گۋمانيتارلىق عىلىمدارداعى ءرولى سياقتى وزەكتى ماسەلەلەر كەڭىنەن قاراستىرىلدى. بۇل باعىتتاعى پىكىر الماسۋلار كونفەرەنتسيانىڭ عىلىمي مازمۇنىن تەرەڭدەتىپ، جاڭا زەرتتەۋ باعىتتارىنىڭ قالىپتاسۋىنا ىقپال ەتتى. كونفەرەنتسيا جۇمىسىنىڭ جوعارى دەڭگەيدە وتۋىنە جوعارى وقۋ ورنىنا دەيىنگى دايىندىق كافەدراسىنىڭ ۇجىمى زور ۇلەس قوستى. ءىس-شارا مودەراتورى، كافەدرانىڭ قۇرمەتتى تاريحشىسى، اعا وقىتۋشى بەگاليەۆا ايشا كارىپجانوۆنا عىلىمي پىكىرتالاستى كاسىبي دەڭگەيدە ۇيلەستىرىپ، بايانداماشىلار مەن قاتىسۋشىلار اراسىنداعى ءوزارا بايلانىستى ءتيىمدى ۇيىمداستىردى. جالپى العاندا، بۇل حالىقارالىق كونفەرەنتسيا ءال-فارابي اتىنداعى قازاق ۇلتتىق ۋنيۆەرسيتەتىنىڭ عىلىمي-اكادەميالىق بەدەلىن ودان ءارى نىعايتىپ، ۇلتتىق تاريح پەن تسيفرلىق تەحنولوگيالاردىڭ توعىسىنداعى جاڭا زەرتتەۋ باعىتتارىن ايقىنداعان ماڭىزدى عىلىمي وقيعا رەتىندە باعالاندى.
جوو دەيىنگى دايىندىق كافەدراسىنىڭ اعا وقىتۋشىلارى: بەگاليەۆا ا.ق.، ماجيقىزى ن.
