«سۇڭقار» زىمىران-تاسىعىشىنىڭ العاشقى سىناق ۇشىرىلىمى تاعى دا كەيىنگە شەگەرىلدى، دەپ حابارلايدى "ادىرنا" ۇلتتىق پورتالى.
قازتاگ مالىمەتىنشە، ۇشىرىلىم بايقوڭىر عارىش ايلاعى اۋماعىندا 29 ءساۋىر كۇنى استانا ۋاقىتىمەن 16:00-دە جوسپارلانعان. الايدا ەكىنشى ساتىداعى توتىقتىرعىش باگتارىنداعى قىسىمنىڭ تومەندەۋىنە بايلانىستى كەيىنگە قالدىرىلعان.
كەيىن ۇشىرىلىم 30 ءساۋىر ساعات 16:00-گە اۋىستىرىلعانىمەن، قوسىمشا تەكسەرىستەر جۇرگىزۋ قاجەتتىلىگىنە بايلانىستى بۇل مەرزىم دە تاعى وزگەرتىلدى. ماماندار ستارتتىق كەشەن جابدىقتارى مەن زىمىران جۇيەلەرىن تولىق تەكسەرۋدەن وتكىزۋدە.
ايتا كەتەيىك، باستاپقىدا "سۇڭقار" زىمىرانى 27 ناۋرىزدا ۇشىرىلۋى ءتيىس بولعان. الايدا تەحنيكالىق سەبەپتەرگە بايلانىستى بىرنەشە رەت كەيىنگە قالدىرىلعان. 31 ناۋرىزدا زىمىران پايدالى جۇكتەمەنىڭ ماكەتىمەن بىرگە مونتاجداۋ-سىناق كورپۋسىنان تەمىرجول ارقىلى شىعارىلىپ، 45-الاڭداعى ۇشىرۋ قۇرىلعىسىنا تىك كۇيدە ورناتىلعان.
29 ءساۋىر كۇنى بايقوڭىردا ساعات 16.00-گە جوسپارلانعان «سۇڭقار» زىمىرانىنىڭ ۇشىرىلىمى توقتاتىلعان ەدى.
