فوتو:gov.kz
قازاقستان قۇراماسى الەمدەگى ەڭ بەدەلدى زياتكەرلىك الاڭداردىڭ ءبىرى Balkan Mathematical Olympiad 2026 جارىسىندا ۇزدىكتەر قاتارىنان كورىندى، دەپ حابارلايدى "ادىرنا".
3-8 مامىر كۇندەرى گرەكيانىڭ سالونيكي قالاسىندا وتكەن بالقان ماتەماتيكالىق وليمپياداسىندا قازاقستاندىق وقۋشىلار 6 مەدال جەڭىپ الىپ، 24 ەلدىڭ ىشىندە جالپى كوماندالىق ەسەپتە 6-ورىنعا يە بولدى.
بيىلعى دوداعا البانيا، بولگاريا، گرەكيا، رۋمىنيا، سەربيا، تۇركيا، سولتۇستىك ماكەدونيا جانە باسقا دا مىقتى ماتەماتيكالىق مەكتەپتەرى بار 24 مەملەكەتتەن 148 قاتىسۋشى قاتىستى. قاتىسۋشىلار اراسىندا الەمدىك دەڭگەيدە تانىلعان وليمپيادالىق مەكتەپتەردىڭ وكىلدەرى بولدى. وسىنداي باسەكەلى ورتادا قازاقستان قۇراماسى جوعارى ناتيجە كورسەتىپ، تۇراقتى دايىندىق پەن جۇيەلى جۇمىستىڭ جەمىسىن دالەلدەدى.
جالپى ەسەپتە قازاقستان قۇراماسىنىڭ قورجىنىنا 1 التىن، 2 كۇمىس جانە 3 قولا مەدال ءتۇستى.
- التىن مەدال يەگەرى – مۋرات تيمۋر، الماتى قالاسىنداعى Haileybury Almaty مەكتەبىنىڭ 12-سىنىپ وقۋشىسى.
- كۇمىس مەدال يەگەرلەرى:
- الياسقار ءسۇلتانالى – استانا قالاسىنداعى ء"بىلىم-يننوۆاتسيا" ليتسەي-ينتەرناتىنىڭ 10-سىنىپ وقۋشىسى;
- ورىنباسار بەردىبەك – اتىراۋ وبلىستىق ء"بىلىم-يننوۆاتسيا" ليتسەي-ينتەرناتىنىڭ 11-سىنىپ وقۋشىسى.
قولا مەدال يەگەرلەرى:
- بەيگانوۆ باتىرحان – الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 10-سىنىپ وقۋشىسى;
- ەركەبۇلانۇلى الي – الماتى قالاسىنداعى Nurorda مەكتەبىنىڭ 11-سىنىپ وقۋشىسى;
- انساتوۆ ارنۇر – قىزىلوردا وبلىستىق №9 ء"بىلىم-يننوۆاتسيا" ليتسەي-ينتەرناتىنىڭ 11-سىنىپ وقۋشىسى.
- ۇلتتىق قۇرامانىڭ جەتەكشىلەرى – قازاق-امەريكا ۋنيۆەرسيتەتى پرەزيدەنتى اسىلبەك يساحوۆ جانە "استانا-نۇرا" زياتكەرلىك مەكتەبىنىڭ مامانى مۇحتار قاباق.
