اقش-تاعى جوعارى جانە ورتا ءبىلىم بەرۋ مەكەمەلەرى اۋقىمدى كيبەرشابۋىلعا ۇشىرادى، دەپ حابارلايدى “ادىرنا” ۇلتتىق پورتالى.
NBC دەرەگىنشە، سالدارىنان ساباق كەستەلەرى مەن ەمتيحان وتكىزۋ پروتسەسىنە كەدەرگى كەلگەن.
يۋتا شتاتىنداعى Instructure كومپانياسى Canvas پلاتفورماسىنا جاسالعان شابۋىلدىڭ سالدارىن ازايتۋ ءۇشىن جەدەل شارالار قابىلداعانىن جانە قۇقىق قورعاۋ ورگاندارىنا جۇگىنگەنىن مالىمدەدى.
Canvas پلاتفورماسىن اقش بويىنشا 30 ميلليوننان استام ادام پايدالانادى. جۇيە ارقىلى مۇعالىمدەر وقۋ ماتەريالدارىن جۇكتەپ، ستۋدەنتتەرمەن بايلانىس ورناتادى جانە باعالاۋ جۇرگىزەدى. ال ستۋدەنتتەر تاپسىرمالاردى ورىنداپ، وقۋ ماتەريالدارىن قارايدى.
ShinyHunters حاكەرلىك توبى Canvas جۇيەسىنەن 9 مىڭ وقۋ ورنىنا قاتىستى شامامەن 6,65 تەرابايت دەرەككە قول جەتكىزگەنىن حابارلادى. حاكەرلەر تالاپتارى ورىندالماسا، بارلىق اقپاراتتى جاريالايمىز دەپ مالىمدەگەن.
