فرانتسيادا حانتاۆيرۋس جۇقتىرعان العاشقى ناۋقاس تىركەلدى، دەپ حابارلايدى “ادىرنا” ۇلتتىق پورتالى.
بۇل تۋرالى ەلدىڭ دەنساۋلىق ساقتاۋ ءمينيسترى ستەفاني ريست مالىمدەدى.
ءمينيستردىڭ ايتۋىنشا، ۆيرۋس نيدەرلاندتىڭ MV Hondius كرۋيزدىك لاينەرىندە بولعان فرانتسيا ازاماتىنان انىقتالعان. ايەل كەشە ەلگە ورالعاننان كەيىن جاعدايى كۇرت ناشارلاپ، پتر-تەست ناتيجەسى وڭ شىققان.
قازىرگى ۋاقىتتا ناۋقاس جۇقپالى اۋرۋلارعا ماماندانعان اۋرۋحاناعا جاتقىزىلعان.
فرانتسيا بيلىگى ايەلمەن بايلانىستا بولعان 22 ادامدى انىقتاپ، باقىلاۋعا العان. ۇكىمەت وكىلدەرى ىندەتتىڭ تارالۋىنا جول بەرمەۋ ءۇشىن قاتاڭ قاۋىپسىزدىك شارالارى قابىلدانىپ جاتقانىن مالىمدەدى.
سونىمەن قاتار بيلىك تۇرعىنداردى دۇربەلەڭگە بوي الدىرماۋعا شاقىردى.
ۇقساس جاڭالىقتار
