بىرىككەن اراب امىرلىكتەرى بيلىگىنىڭ يران اۋماعىنا جاسالعان جاسىرىن شابۋىلدارعا قاتىسى بولۋى مۇمكىن ەكەنى تۋرالى اقپارات تارادى، دەپ حابارلايدى "ادىرنا" ۇلتتىق پورتالى The Wall Street باسىلىمىنا سىلتەپ.
باسىلىم مالىمەتىنشە، امىرلىكتەر رەسمي تۇردە بەيتاراپ ۇستانىمىن جاريالاعانىمەن، قۇپيا اسكەري وپەراتسيالارعا ارالاسقان.
WSJ دەرەكتەرىنە سايكەس، شابۋىل جاسالعان نەگىزگى نىسانداردىڭ ءبىرى — يراننىڭ لاۆان ارالىنداعى مۇناي وڭدەۋ زاۋىتى. اۋە سوققىسىنان كەيىن زاۋىت اۋماعىندا ءىرى ءورت شىعىپ، وندىرىستىك ينفراقۇرىلىمنىڭ ءبىر بولىگى بىرنەشە ايعا ىستەن شىققان.
باسىلىمنىڭ جازۋىنشا، اتالعان وقيعادان كەيىن يران جاۋاپ رەتىندە ءباا مەن كۋۆەيت اۋماقتارىنا زىمىراندار مەن ۇشقىشسىز ۇشۋ اپپاراتتارى ارقىلى جاپپاي شابۋىل جاساعان.
سونىمەن قاتار، ءباا تاراپى يرانعا قارسى اسكەري ارەكەتتەرگە قاتىسقانى جونىندەگى اقپاراتتى رەسمي تۇردە راستاعان جوق.
