اتىراۋ قالاسىندا ءتورت ادامنىڭ ولىمىنە قاتىستى رەزونانستىق ءىس بويىنشا الدىن الا سوت تىڭداۋى باستالدى، دەپ حابارلايدى "ادىرنا" ۇلتتىق پورتالى.
ءىس ماتەريالدارىنا سايكەس، ايىپتالۋشى سۇلتان سارسەماليەۆ قىلمىستىق كودەكستىڭ «ەكى نەمەسە ودان دا كوپ ادامدى ءولتىرۋ» بابى بويىنشا جاۋاپقا تارتىلىپ جاتىر. سونىمەن قاتار «ۇرلىق» جانە «الاياقتىق» فاكتىلەرى بويىنشا قوسىمشا ىستەر تىركەلگەن.
سوت بارىسىندا مەملەكەتتىك ايىپتاۋشى تەرگەۋ نۇسقاسىن جاريا ەتتى. تەرگەۋ مالىمەتىنشە، وقيعا كۇنى سۇلتان سارسەماليەۆ ازىق-تۇلىك ساتىپ الىپ، ۇيىنە كەلگەن. سول ساتتە ۇيدە ونىڭ جۇبايى اقبايان، كامەلەتكە تولماعان بالاسى جانە ايەلىنىڭ اپكەسى مەيرامگۇل قارابالينا بولعان. تەرگەۋ نۇسقاسىنا سايكەس، تۇرمىستىق جاعداي مەن ازىق-تۇلىكتىڭ جوقتىعىنا بايلانىستى جانجال تۋىنداعان. كەيىن جانجال ۋشىعىپ، كۇدىكتى مەيرامگۇل قارابالينانى پىشاقپەن جاراقاتتاعان.
مەملەكەتتىك ايىپتاۋشىنىڭ مالىمەتىنشە، جابىرلەنۋشى العان جاراقاتىنان كوز جۇمعان. بۇدان كەيىن كۇدىكتى ءمايىت پەن قىلمىس ىزدەرىن جاسىرۋعا ارەكەت جاساعان.
ءىس بويىنشا سوت وتىرىسى جالعاسىپ جاتىر.
