برازيليادا دارىگەرلەر «قايتىس بولدى» دەپ تانىعان 88 جاستاعى ەر ادام جەرلەۋ كەزىندە ءتىرى بولىپ شىقتى، دەپ حابارلايدى "ادىرنا" ۇلتتىق پورتالى «24KZ» سايتىنا سىلتەپ.
وقيعا 16 مامىر كۇنى پرەزيدەنتە-بەرناردەس قالاسىندا بولعان. زەينەتكەر تىنىس الۋ جەتكىلىكسىزدىگىمەن اۋرۋحاناعا جەتكىزىلگەن. كەيىن دارىگەر ونىڭ قايتىس بولعانىن رەسمي تۇردە تىركەگەن.
مارقۇمنىڭ دەنەسى ستاندارتتى راسىمدەر ءۇشىن جەرلەۋ بيۋروسىنا تاپسىرىلعان. الايدا مەكەمە قىزمەتكەرلەرى ەر ادامنىڭ ءىش تۇسىندا قوزعالىس بەلگىلەرىن بايقاپ، جەدەل جاردەم شاقىرعان.
دارىگەرلەر وعان العاشقى كومەك كورسەتىپ، ينتۋباتسيا جاساعان. كەيىن ناۋقاس شۇعىل تۇردە پرەزيدەنتە-پرۋدەنتي قالاسىنداعى اۋرۋحاناعا جەتكىزىلىپ، جانساقتاۋ بولىمىنە جاتقىزىلعان.
قازىرگى ۋاقىتتا ونىڭ جاعدايى اۋىر، بىراق تۇراقتى دەپ باعالانۋدا.
وقيعادان كەيىن قۇقىق قورعاۋ ورگاندارى ءتيىستى مەديتسينالىق كومەكتىڭ كورسەتىلمەۋى مۇمكىن دەگەن كۇدىكپەن تەرگەۋ باستادى. سونداي-اق مەديتسينالىق مەكەمەدە ىشكى تەكسەرىس جۇرگىزىلىپ جاتىر.
