مادەنيەت جانە ونەر سالاسىنداعى ءتورت جوو وقىتۋشىلارىنىڭ ەڭبەكاقىسى كوتەرىلدى، دەپ جازادى "ادىرنا" ۇلتتىق پورتالى.
ۇكىمەت بۇل تۋرالى ءتيىستى قاۋلى قابىلدادى. 2025 جىلعا دەيىنگى حالىقتىڭ تابىسىن ارتتىرۋ جونىندەگى كەشەندى جوسپاردى ىسكە اسىرۋ شەڭبەرىندە ۇيىمدىق-قۇقىقتىق نىسانىنا قاراماستان، ەرەكشە مارتەبەسى بار مادەنيەت جانە ونەر سالاسىنداعى جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارى پروفەسسور-وقىتۋشىلار قۇرامىنىڭ لاۋازىمدىق ەڭبەكاقىلارىنىڭ بەلگىلەنگەن مولشەرىنە ارتتىرۋ كوەففيتسيەنتىن ۇلعايتۋ (1,75-تەن 3,5-كە دەيىن) كوزدەلگەن.
قاۋلى ءتورت شىعارماشىلىق جوعارى وقۋ ورنىنا قاتىستى: ت.ق. جۇرگەنوۆ اتىنداعى قازاق ۇلتتىق ونەر اكادەمياسى، قۇرمانعازى اتىنداعى قازاق ۇلتتىق كونسەرۆاتورياسى، قازاق ۇلتتىق ونەر ۋنيۆەرسيتەتى جانە قازاق ۇلتتىق حورەوگرافيا اكادەمياسى.
قاۋلى 2022 جىلعى 1 قاڭتاردان باستاپ قالىپتاسقان قاتىناستارعا قاتىستى قولدانىلادى، سوندىقتان وسى جىلدىڭ وتكەن ايلارىنىڭ ەڭبەكاقىسى بويىنشا قايتا ەسەپتەۋ جۇرگىزىلەتىن بولادى.
"ادىرنا" ۇلتتىق پورتالى
