Mádenıet jáne óner salasyndaǵy tórt JOO oqytýshylarynyń eńbekaqysy kóterildi, dep jazady "Adyrna" ulttyq portaly.
Úkimet bul týraly tıisti qaýly qabyldady. 2025 jylǵa deıingi Halyqtyń tabysyn arttyrý jónindegi keshendi jospardy iske asyrý sheńberinde uıymdyq-quqyqtyq nysanyna qaramastan, erekshe mártebesi bar mádenıet jáne óner salasyndaǵy joǵary jáne (nemese) joǵary oqý ornynan keıingi bilim berý uıymdary professor-oqytýshylar quramynyń laýazymdyq eńbekaqylarynyń belgilengen mólsherine arttyrý koeffııentin ulǵaıtý (1,75-ten 3,5-ke deıin) kózdelgen.
Qaýly tórt shyǵarmashylyq joǵary oqý ornyna qatysty: T.Q. Júrgenov atyndaǵy Qazaq ulttyq óner akademııasy, Qurmanǵazy atyndaǵy Qazaq ulttyq konservatorııasy, Qazaq ulttyq óner ýnıversıteti jáne Qazaq ulttyq horeografııa akademııasy.
Qaýly 2022 jylǵy 1 qańtardan bastap qalyptasqan qatynastarǵa qatysty qoldanylady, sondyqtan osy jyldyń ótken aılarynyń eńbekaqysy boıynsha qaıta esepteý júrgiziletin bolady.
"Adyrna" ulttyq portaly
