استانا حالىقارالىق قارجى ورتالىعى سوتى International Academy of Medicine and Sciences (IAMS) كومپانياسىنىڭ الماتى وبلىسىنىڭ دەنساۋلىق ساقتاۋ باسقارماسى ۇستىنەن بەرگەن تالابىن قاناعاتتاندىردى، دەپ حابارلايدى "ادىرنا" ۇلتتىق پورتالى رەسمي ورگانعا سىلتەپ.
سوت شەشىمىنە سايكەس، مەملەكەتتىك ورگان ينۆەستورعا 11 ميلليارد تەڭگەدەن استام قاراجات تولەۋگە مىندەتتەلدى. احقو ءبىرىنشى ساتىداعى سوتىنىڭ سۋدياسى لورد فولكس كس شىعارعان شەشىمگە سايكەس، دەنساۋلىق ساقتاۋ باسقارماسى:
– 11,08 ميلليارد تەڭگە كولەمىندەگى كاپيتالدىق ينۆەستيتسيالىق شىعىنداردى;
– 305,8 ميلليون تەڭگە ايىپپۇلدى;
– 35,3 ميلليون تەڭگە سوت شىعىندارىن وتەۋى ءتيىس.
قۇجاتتا بارلىق تولەمدەر سوت بۇيرىعى شىققان كۇننەن باستاپ 28 كۇن ىشىندە جۇرگىزىلۋى قاجەت ەكەنى كورسەتىلگەن.
سوت ماتەريالدارىنا سايكەس، تالاپكەر مەملەكەتتىك ساراپتامادان وتكەن جاڭارتىلعان جوبالىق-سمەتالىق قۇجاتتاما نەگىزىندە ناقتى شىعىنداردى ءوندىرىپ الۋعا قۇقىلى دەپ تانىلعان.
