قازاقستاندا سالىناتىن العاشقى اەس قۇرىلىسىنا شامامەن 16,4 ملرد دوللار جۇمسالادى. بۇل تۋرالى اتوم ەنەرگياسى اگەنتتىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«قاراجاتتىڭ نەگىزگى بولىگى — شامامەن 14,4 ملرد دوللار — ەنەرگيا بلوكتارىن سالۋعا باعىتتالادى. تاعى شامامەن 2 ملرد دوللار ينفراقۇرىلىمعا، قاۋىپسىزدىك جۇيەلەرىنە جانە كەپىلدىك كەزەڭىندەگى وتىنعا جۇمسالادى. جوبانىڭ جالپى قۇنى شامامەن 16,4 ملرد دوللاردى قۇرايدى»،– دەپ مالىمدەدى اگەنتتىك وكىلدەرى.
قازىرگى جوسپار بويىنشا اەس قۇرىلىسىنىڭ بەلسەندى كەزەڭى 2027 جىلى باستالادى.
ايتا كەتەيىك، كونسورتسيۋم جەتەكشىسى رەتىندە «روساتوم» تاڭدالعان العاشقى «بالقاش» اتوم ەلەكتر ستانتسياسىن ۇلكەن اۋىلىنىڭ اۋماعىندا سالۋ جوسپارلانىپ وتىر. قازىرگى ۋاقىتتا بۇل وڭىردە ينجەنەرلىك-ىزدەستىرۋ جۇمىستارى جۇرگىزىلۋدە.
