استاناداعى رفمم-نىڭ 1-سىنىپ وقۋشىسى باقتىباي مۇحامماد تۇركيانىڭ انتاليا قالاسىندا وتكەن VIII حالىقارالىق FEMO ماتەماتيكا وليمپياداسىندا كۇمىس مەدال يەلەندى.
بەدەلدى حالىقارالىق ءبىلىم سايىسىنا الەمنىڭ 20-دان استام ەلىنەن كەلگەن دارىندى وقۋشىلار قاتىستى. جاسىنا قاراماستان، مۇحامماد وليمپيادانىڭ كۇردەلى تاپسىرمالارىن جوعارى دەڭگەيدە ورىنداپ، ۇزدىك قاتىسۋشىلار قاتارىنان كورىنىپ، ەكىنشى ورىنعا يە بولدى.
حالىقارالىق فينالعا قاتىسۋ ءۇشىن جاس ماتەماتيك قازاقستان اۋماعىندا ۇيىمداستىرىلعان بىرنەشە ىرىكتەۋ كەزەڭىنەن ءساتتى ءوتىپ، ءوز جاسىنداعى وقۋشىلار اراسىندا جوعارى ناتيجە كورسەتكەن. بۇل ونىڭ ماتەماتيكالىق قابىلەتىنىڭ ەرەكشە ەكەنىن دالەلدەيدى.
وقۋشىنىڭ اتا-اناسىنىڭ ايتۋىنشا، مۇحاممادتىڭ ماتەماتيكاعا دەگەن قىزىعۋشىلىعى ەرتە جاستان بايقالعان. ول ءبىرىنشى سىنىپتا وقىپ ءجۇرىپ-اق كوبەيتۋ كەستەسىن تولىق مەڭگەرىپ، بوس ۋاقىتىندا ءتۇرلى لوگيكالىق جانە ماتەماتيكالىق ەسەپتەر شىعارۋدى ۇناتادى.
بىلىممەن قاتار سپورتقا دا كوڭىل بولەتىن مۇحامماد ۆەلوسپورتپەن اينالىسادى جانە بۇل سالادا دا جەتىستىكتەرگە جەتىپ ۇلگەرگەن. ونىڭ تاباندىلىعى مەن ەڭبەكقورلىعى وقۋ مەن سپورتتاعى ناتيجەلەرىنەن ايقىن كورىنەدى.
