5 ماۋسىم ەكولوگتار كۇنىنە وراي ۇلىتاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ۇيىمداستىرۋىمەن «تازا جاعالاۋ» ەكولوگيالىق اكتسياسى اياسىندا سەنبىلىك جۇمىستارى وتكىزىلدى.
ءىس-شارانىڭ ماقساتى – سۋ ايدىندارى جاعالاۋلارىنىڭ تازالىعىن ساقتاۋ، قورشاعان ورتانى قورعاۋ مادەنيەتىن قالىپتاستىرۋ جانە تۇرعىنداردىڭ تابيعاتقا دەگەن جاۋاپكەرشىلىگىن ارتتىرۋ.
اكتسياعا ۇلىتاۋ وبلىسىنىڭ ەكولوگيا دەپارتامەنتى، ۇلىتاۋ وبلىسى بويىنشا ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى، نۇرا-سارىسۋ باسسەيندىك سۋ ينسپەكتسياسى، «ۇلىتاۋ سۋ قويمالارى» كمقك جانە «ورمان جانە جانۋارلار الەمىن قورعاۋ جونىندەگى جاڭاارقا شارۋاشىلىعى» كمم قىزمەتكەرلەرى بەلسەندى قاتىستى. جالپى اكتسياعا 52 ادام قاتىسىپ، قورشاعان ورتانى قورعاۋعا باعىتتالعان جۇمىستارعا ءوز ۇلەستەرىن قوستى.
سەنبىلىك بارىسىندا سۋ ايدىندارى جاعالاۋلارىن تۇرمىستىق قالدىقتاردان تازارتۋ جۇمىستارى جۇرگىزىلىپ، قاتىسۋشىلار قورشاعان ورتانىڭ تازالىعىن ساقتاۋعا ءوز ۇلەستەرىن قوستى.
مۇنداي ەكولوگيالىق ءىس-شارالار تابيعاتتى قورعاۋعا، قورشاعان ورتاعا ۇقىپتى قاراۋدى ناسيحاتتاۋعا جانە ءوڭىردىڭ ەكولوگيالىق مادەنيەتىن ارتتىرۋعا باعىتتالعان.
