تۇركىستان وبلىسىنىڭ سايرام اۋدانىندا ءىرى قارا مالدى بورداقىلاۋعا ارنالعان جانە جوعارى تەحنولوگيالىق مال سويۋ الاڭىمەن جابدىقتالاتىن ءىرى ينۆەستيتسيالىق جوبانى ىسكە اسىرۋ باستالدى.
جوبانىڭ ينۆەستورى – «BEK-AGRO» شارۋا قوجالىعى. ينۆەستيتسيانىڭ جالپى كولەمى – 3,5 ملرد تەڭگە.
جوبا اياسىندا ءبىر مەزەتتە 10 مىڭ باسقا دەيىن ءىرى قارا مالدى ۇستاپ، بورداقىلاۋعا مۇمكىندىك بەرەتىن زاماناۋي وندىرىستىك كەشەن سالۋ كوزدەلگەن. كاسىپورىن تولىق ىسكە قوسىلعاننان كەيىن ونىڭ وندىرىستىك قۋاتى جىلىنا 20 مىڭ توننا ەت ءونىمىن وندىرۋگە جەتەدى.
وندىرىلەتىن ءونىم ىشكى نارىق سۇرانىسىن قامتاماسىز ەتۋمەن قاتار، ەكسپورتتىق جەتكىزىلىمدەردى دامىتۋعا دا باعىتتالاتىن بولادى.
قۇرىلىس-مونتاج جۇمىستارىنىڭ اياقتالۋى جانە نىساندى پايدالانۋعا بەرۋ 2027 جىلعا جوسپارلانعان.
بۇل ەل ەكونوميكاسىنا ينۆەستيتسيا تارتۋعا، قوسىلعان قۇنى جوعارى ءونىم ءوندىرىسىن ۇلعايتۋعا جانە مەملەكەتتىڭ ازىق-تۇلىك قاۋىپسىزدىگىن نىعايتۋعا ىقپال ەتەدى.
