تۇركىستان وبلىسىنا 1 ملرد تەكشە مەتر سۋ جىبەرىلدى، دەپ حابارلايدى “ادىرنا” ۇلتتىق پورتالى پرەزيدەنت جانىنداعى ورتالىق كوممۋنيكاتسيالار قىزمەتىنە سىلتەپ (وكق).
«تۇركىستان وبلىسىنىڭ سوزاق اۋدانىنا شۋ وزەنى بويىمەن 1 ملرد تەكشە مەتر سۋ جىبەرىلدى»، - دەلىنگەن حابارلامادا.
مالىمەتتەر بويىنشا، دەپارتامەنت وسىلايشا سۋارۋ ماۋسىمىنا ازىرلىكتى قامتاماسىز ەتۋدى جالعاستىرۋدا. شاردارا سۋ قويماسىندا 4,8 ميلليارد تەكشە مەتر سۋ جينالعانى كورسەتىلگەن. سونداي-اق، بۇعان دەيىن وزبەكستانمەن «دوستىق» كانالى ارقىلى 922 ميلليون تەكشە مەتر سۋ وتكىزۋ تۋرالى كەلىسىم جاسالعان بولاتىن.
«قازىرگى تاڭدا تۇركىستان وبلىسىنداعى «قازۆودحوز» فيليالىندا جوندەۋ-قۇرىلىس جۇمىستارى قارقىندى جۇرگىزىلۋدە. ماسەلەن، شاردارا اۋدانىندا 302 تىك درەناجدىق ۇڭعىما جوندەلۋدە. كاسىپورىن قاراماعىنداعى 600 شاقىرىمنان استام كانال دا تازارتىلدى»، - دەيدى مينەرالدى سۋ رەسۋرستارى جانە يرريگاتسيانىڭ رەسمي وكىلى ءمولدىر ابدۋاليەۆا.
