تۇركىستان قالاسىنداعى قولونەرشىلەر ورتالىعىندا «Turkistan Brand Craft Fair – 2026» حالىقارالىق قولونەرشىلەر جانە ەكولوگيالىق ونىمدەر جارمەڭكەسى باستالدى.
جارمەكەنىڭ سالتاناتتى اشىلۋىنا تۇركىستان وبلىسى اكىمىنىڭ ورىنباسارى ەرتاي التاەۆ ارنايى قاتىسىپ، ءىس-شارانىڭ ماڭىزىنا توقتالدى.
– بارشاڭىزدى تۇركىستان تورىندە ءوتىپ جاتقان «Turkistan Brand Craft Fair-2026» فەستيۆالىندە قارسى الۋ مەن ءۇشىن ۇلكەن قۇرمەت. وزدەرىڭىزگە بەلگىلى، تۋريزم تۇركىستان وبلىسى ەكونوميكاسىنىڭ باسىم سالاسىنىڭ ءبىرى. ۇكىمەت جانە اكىمدىك تاراپىنان تۋريزم سالاسىن دامىتۋعا جۇيەلى جۇمىستار جۇرگىزىلۋدە. تۋريزم سالاسى دامۋى ءۇشىن ەكونوميكانىڭ بارلىق سالاسى قاتار دامۋى ءتيىس. ياعني، ءتۋريزمنىڭ دامۋى بارلىق سالالارعا بايلانىستى. ونىڭ ىشىندە قولونەر قىزمەتىن دامىتۋ ەرەكشە ورىن الادى. 2025 جىلدىڭ 3 ناۋرىزىندا مەملەكەت باسشىسى قاسىم-جومارت توقاەۆ «تۇركىستان قالاسىنىڭ ەرەكشە مارتەبەسى تۋرالى» ارنايى زاڭعا قول قويدى. قابىلدانعان زاڭدا قولونەر سالاسىنداعى شەبەرلەرگە مەملەكەتتىك قولداۋ شارالارى قاراستىرىلىپ، جەرگىلىكتى قولونەرشىلەردىڭ كاسىبىن دامىتۋعا جانە ونىمدەرىن ىلگەرىلەتۋگە جول اشىلدى. قازىرگى تاڭدا تۇركىستان قالاسىندا 40-تان استام قولونەرشى ەڭبەك ەتۋدە. سىرتتان كەلگەن تۋريستەر ءۇشىن جەرگىلىكتى قولونەر تۋىندىلارى باستى قىزىعۋشىلىقتىڭ ءبىرى بولىپ وتىر. سوندىقتان دا ءبىز ءتۋريزمدى دامىتۋدا قولونەرشىلەرگە جۇيەلى قولداۋ كورسەتۋدى نەگىزگى باسىمدىق رەتىندە ايقىنداپ كەلەمىز. بۇگىنگى كورمە قولونەرشىلەرگە تاجىريبە الماسۋعا، ونىمدەرىن حالىقارالىق دەڭگەيدە ناسيحاتتاۋعا جانە جاڭا سەرىكتەستىك بايلانىستار ورناتۋعا ۇلكەن مۇمكىندىك. بارشاڭىزدى ۇلتتىق ونەرىمىزدى ۇلىقتاۋعا، تۇركىستاندى حالىقارالىق دەڭگەيدەگى ءىرى تۋريزم ورتالىعىنا اينالدىرۋعا شاقىرامىن! – دەدى ەرتاي كەنجەبەكۇلى.
ءىس-شارا بارىسىندا وبلىس اكىمىنىڭ ورىنباسارى ەرتاي التاەۆ، تۇركيانىڭ «KUYAM» قولونەرشىلەر بىرلەستىگىنىڭ ءتورايىمى زۋبەيدە اتان بۇلبۇل جانە ءۇندىستاننىڭ World Crafts Council ۇيىمىنىڭ ۆيتسە-پرەزيدەنتى سۋنديپ كۋمار جارمەڭكەنى ارالاپ كوردى. وبلىس اكىمىنىڭ ورىنباسارى شەتەلدىك قوناقتارعا جارمەڭكەدە ۇسىنىلعان قولونەر بۇيىمدارىن تانىستىردى.
جارمەڭكەگە ەلىمىزدىڭ بارلىق وڭىرىنەن جانە شەتەلدەن 200-گە جۋىق شەبەر قاتىسىپ جاتىر. ولار وزدەرىنىڭ بىرەگەي تۋىندىلارىن كوپشىلىك نازارىنا ۇسىنۋدا. مۇندا كەراميكا، اعاش، بىلعارى، مەتالل، كيىز جانە توقىما بۇيىمدارى، ۇلتتىق جانە ديزاينەرلىك كيىمدەر، زەرگەرلىك بۇيىمدار، اۆتورلىق كادەسىيلار، سونداي-اق تابيعي ءارى ەكولوگيالىق تازا ونىمدەر قويىلعان.
جارمەڭكەنىڭ ماقساتى – قولونەردى، كəسىپكەرلىكتى، ءتۋريزمدى، كرەاتيۆتى يندۋستريانى جəنە حالىقارالىق ىنتىماقتاستىقتى ءبىر الاڭدا توعىستىراتىن جاڭا فورماتتاعى حالىقارالىق پلاتفورما قالىپتاستىرۋ.
«Open Turkistan» تۋريستىك اقپاراتتىق ورتالىعىنىڭ ديرەكتورى اسقار ابۋباكيروۆتىڭ ايتۋىنشا، ەلىمىزدە ەرەكشە ءونىم جاسايتىن تالانتتى شەبەرلەر كوپ. بىراق ولاردىڭ بارلىعىندا زاماناۋي قاپتاما، ماركەتينگ، تسيفرلىق ىلگەرىلەتۋ جəنە جاڭا نارىقتارعا شىعۋ مۇمكىندىگى بىردەي ەمەس. وسىعان بايلانىستى جارمەڭكەنىڭ باستى ەرەكشەلىگى – قولونەردى تەك ساقتاپ قانا قويماي، ونى باسەكەگە قابىلەتتى ءونىم مەن برەندكە اينالدىرۋعا مۇمكىندىك بەرۋ. مۇندا قاتىسۋشىلار ءوز ونىمدەرىن تانىستىرىپ قانا قويماي، تىكەلەي ساتۋعا، جاڭا تۇتىنۋشىلار مەن ىسكەرلىك سەرىكتەستەر تابۋعا مۇمكىندىك الادى. ال كەلۋشىلەر بۇيىمداردى تىكەلەي شەبەرلەردەن ساتىپ الا الادى.
بيىلعى جارمەڭكەگە «اتامەكەن» ۇلتتىق كاسىپكەرلەر پالاتاسىمەن بىرلەسىپ، رەسپۋبليكالىق ء«بىر اۋىل – ءبىر ءونىم» جوباسىنىڭ فيناليستەرى دە ارنايى شاقىرىلعان. بۇل باستاما اۋىلدىق جەرلەردەگى وندىرۋشىلەرگە ءوز ونىمدەرىن كەڭ اۋديتورياعا، تۋريستەرگە جانە بيزنەس وكىلدەرىنە تانىستىرىپ، نارىق اياسىن كەڭەيتۋگە مۇمكىندىك بەرەدى.
ايتا كەتسەك، وبلىستا ءتۋريزمدى دامىتۋ باعىتىندا دا جۇيەلى جۇمىستار جۇرگىزىلۋدە. 2026 جىلدىڭ 8 ايىنىڭ قورىتىندىسى بويىنشا وبلىستىڭ تۋريزم سالاسىندا ايتارلىقتاي ناتيجەلەرگە قول جەتكىزىلدى. ورنالاستىرۋ ورىندارىندا قىزمەت كورسەتىلگەن تۋريستەر سانى 347,6 مىڭ ادامعا جەتىپ، 2018 جىلمەن سالىستىرعاندا ەكى ەسە ارتتى. تابيعي اۋماقتارعا كەلگەن تۋريستەر اعىنى ءتورت ەسەگە ءوسىپ، 161,5 مىڭ ادامدى قۇرادى. قوناقۇي جانە ورنالاستىرۋ قىزمەتتەرىنىڭ كولەمى 8,5 ملرد تەڭگەگە جەتىپ، 2018 جىلمەن سالىستىرعاندا جەتى ەسەگە ارتتى. ال ورنالاستىرۋ ورىندارىنداعى توسەك-ورىن سانى 10 335-كە جەتىپ، ەكى ەسەگە كوبەيدى.
ءتۋريزمدى دامىتۋعا باعىتتالعان جۇيەلى جۇمىستاردىڭ ناتيجەسىندە ءوڭىر ەكونوميكاسىنا تارتىلعان ينۆەستيتسيالار كولەمى 612 ملرد تەڭگەدەن استى. سونىڭ ارقاسىندا سالادا 19,2 مىڭ جاڭا جۇمىس ورنى اشىلدى. بۇگىندە وبلىستا قوناق ۇيلەر، حوستەلدەر، دەمالىس ايماقتارى مەن بالالار لاگەرلەرىن قوسا العاندا، 278 ورنالاستىرۋ نىسانى جۇمىس ىستەيدى. بۇل كورسەتكىش 2018 جىلمەن سالىستىرعاندا ەكى ەسە وسكەن. سونىمەن قاتار تۇركىستان وبلىسى ەلىمىزدە ەمدىك-ساۋىقتىرۋ ءتۋريزمى بويىنشا كوش باستاپ تۇر. رەسپۋبليكاداعى 175 ساۋىقتىرۋ مەكەمەسىنىڭ 117-ءسى تۇركىستان وبلىسىندا ورنالاسقان. بۇل كورسەتكىش 2018 جىلمەن سالىستىرعاندا ءۇش ەسەگە كوپ.
