قازاقستاندا قوسىمشا دەمالىس كۇنىن ەنگىزۋ ماسەلەسى قاراستىرىلۋى مۇمكىن. بۇل تۋرالى 11 ماۋسىمدا ۇكىمەتتەگى بريفينگ بارىسىندا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ۆيكتوريا شەگاي مالىمدەدى، دەپ حابارلايدى «ادىرنا» ءتىلشىسى.
ۆيتسە-مينيستر جاڭا اتا زاڭ كۇشىنە ەنگەننەن كەيىن كونستيتۋتسيا كۇنىنىڭ 30 تامىزدان 15 ناۋرىزعا اۋىستىرىلاتىنىن ەسكە سالدى.
«بۇل ءسوزسىز مەرەكەلىك كۇن، رەسمي دەمالىس بولادى. ال قوسىمشا ەكى جۇمىس كۇنىنە كەلسەك، بۇل ماسەلە الداعى كەزەڭدە قارالادى دەپ ويلايمىن. قازىر ناقتى جاۋاپ بەرۋگە دايىن ەمەسپىز»، – دەدى شەگاي.
سونىمەن قاتار ۆيتسە-مينيستر ۇسىنىستار تۇسكەن جاعدايدا مەرەكەنىڭ مەملەكەتتىك مارتەبەسىن ۇلتتىق دەڭگەيگە وزگەرتۋ مۇمكىندىگى قاراستىرىلۋى مۇمكىن ەكەنىن ايتتى. ول مينيسترلىك مۇنداي باستامانى قاراستىرا الاتىنىن راستادى.
ەسكە سالايىق، 15 ناۋرىزدا ەلىمىزدە جاڭا كونستيتۋتسيا بويىنشا رەفەرەندۋم وتكەن ەدى.
