رەسەي پرەزيدەنتى ۆلاديمير پۋتين ەلدەن كەتكەن ازاماتتاردىڭ رەسەي فەدەراتسياسىنىڭ مۇددەلەرىنە قارسى باعىتتالعان اكىمشىلىك قۇقىق بۇزۋشىلىقتار جاساعانى ءۇشىن ولاردىڭ مۇلكىن تاركىلەۋگە مۇمكىندىك بەرەتىن زاڭعا قول قويدى. قۇجات 10 ماۋسىم كۇنى رەسمي قۇقىقتىق اقپارات پورتالىندا جاريالاندى، دەپ حابارلايدى "ادىرنا".
اڭگىمە اكىمشىلىك قۇقىق بۇزۋشىلىق تۋرالى كودەكستىڭ 10-نان استام بابى تۋرالى بولىپ وتىر. ساراپشىلاردىڭ پىكىرىنشە، ولاردىڭ كوپشىلىگى ساياسي سەبەپتەرمەن قۋدالاۋ قۇرالى رەتىندە قولدانىلۋى مۇمكىن. اتاپ ايتقاندا، «شەتەل اگەنتتەرىنىڭ» قىزمەت ءتارتىبىن بۇزۋ، ەكسترەميستىك ماتەريالداردى ءوندىرۋ جانە تاراتۋ، جالعان اقپارات تاراتۋ جانە باق ەركىندىگىن تەرىس پايدالانۋ، «قالاۋسىز ۇيىمداردىڭ» قىزمەتىنە قاتىسۋ، رەسەي ارمياسىن «قارالاۋ»، سونداي-اق كسرو باسشىلىعىنىڭ ارەكەتتەرى مەن شەشىمدەرىن ناتسيستىك گەرمانيامەن جاريا تۇردە تەڭەستىرۋ تۋرالى باپتار قامتىلعان. تىزىمدە «ەرەكشە بەلگىلەرى بار ۇساق بۇزاقىلىق» تا بار.
زاڭ 1 قىركۇيەكتەن باستاپ كۇشىنە ەنەدى.
قۇجاتقا سايكەس، اكىمشىلىك جازا رەتىندە سالىناتىن ايىپپۇلدىڭ ورىندالۋىن قامتاماسىز ەتۋ ماقساتىندا جەكە تۇلعالاردىڭ مۇلكىنە تىيىم سالىنعان جاعدايدا، تاركىلەنەتىن مۇلىكتىڭ قۇنى ايىپپۇل مولشەرىمەن شەكتەلمەيدى. مۇلىككە تىيىم سالۋ ونى يەلەنۋشىنىڭ وعان بيلىك ەتۋ قۇقىعىن شەكتەۋدى بىلدىرەدى.
