Resei prezidentı Vladimir Putin elden ketken azamattardyŋ Resei Federasiiasynyŋ müddelerıne qarsy baǧyttalǧan äkımşılık qūqyq būzuşylyqtar jasaǧany üşın olardyŋ mülkın tärkıleuge mümkındık beretın zaŋǧa qol qoidy. Qūjat 10 mausym künı resmi qūqyqtyq aqparat portalynda jariialandy, dep habarlaidy "Adyrna".
Äŋgıme Äkımşılık qūqyq būzuşylyq turaly kodekstıŋ 10-nan astam baby turaly bolyp otyr. Sarapşylardyŋ pıkırınşe, olardyŋ köpşılıgı saiasi sebeptermen qudalau qūraly retınde qoldanyluy mümkın. Atap aitqanda, «şetel agentterınıŋ» qyzmet tärtıbın būzu, ekstremistık materialdardy öndıru jäne taratu, jalǧan aqparat taratu jäne BAQ erkındıgın terıs paidalanu, «qalausyz ūiymdardyŋ» qyzmetıne qatysu, Resei armiiasyn «qaralau», sondai-aq KSRO basşylyǧynyŋ äreketterı men şeşımderın nasistık Germaniiamen jariia türde teŋestıru turaly baptar qamtylǧan. Tızımde «erekşe belgılerı bar ūsaq būzaqylyq» ta bar.
Zaŋ 1 qyrküiekten bastap küşıne enedı.
Qūjatqa säikes, äkımşılık jaza retınde salynatyn aiyppūldyŋ oryndaluyn qamtamasyz etu maqsatynda jeke tūlǧalardyŋ mülkıne tyiym salynǧan jaǧdaida, tärkılenetın mülıktıŋ qūny aiyppūl mölşerımen şektelmeidı. Mülıkke tyiym salu ony ielenuşınıŋ oǧan bilık etu qūqyǧyn şekteudı bıldıredı.
