Reseı Ishki ister mınıstrligi Ýkraına prezıdenti Vladımır Zelenskıı men birneshe sheneýnikterge izdeý jarııalady, dep habarlaıdy "Adyrna" ulttyq portaly RTVI-ǵa siltep.
Resmı derekterde izdeýde júrgender Ýkraına basshysy Zelenskıı, onyń aldyndaǵy Petr Poroshenko, Ýkraına Qarýly Kúshteri qurlyqtaǵy áskerleriniń qolbasshysy Aleksandr Pavlıýk pen eldiń burynǵy qorǵanys mınıstriniń mindetin atqarýshy - Ulttyq qorǵanys ýnıversıtetiniń rektory Mıhaıl Koval.
IIM izdeýde júrgen derekter bazasyndaǵy málimette Zelenskıı men Poroshenko qylmystyq ister boıynsha izdeýde. Izdeýdegi tulǵalardyń qaıda ekenin DHR boıynsha Ishki ister mınıstrliginiń Donek qalalyq basqarmasyna habarlaý usynylady.
"Izdeýge" qatysty Ýkraına bıligi de jaýap berdi. Eldiń syrtqy ister mınıstrligi Zelenskııdi izdeýge jarııalaý «Reseı memlekettik mashınasynyń sharasyzdyǵyn jáne halyqtyń nazaryn aýdarý úshin taǵy qandaı jańalyq oılap tabý kerektigin bilmeıtin úgit-nasıhatynyń» ekenin kórsetedi.
Ýkraına prezıdenti keńsesiniń baspasóz hatshysy bul jańalyqqa túsinikteme berip, Reseı ishki ister mınıstrligine «aldymen ar-ojdan men durys mándi» izdeýge keńes berdi.
