مەملەكەت باسشىسى قاسىم-جومارت توقاەۆ رەسەي پرەزيدەنتى ۆلاديمير پۋتينگە قۇتتىقتاۋ جەدەلحاتىن جولدادى. بۇل تۋرالى اقوردا جازدى، دەپ حابارلايدى "ادىرنا".
قاسىم-جومارت توقاەۆ ۆلاديمير ءپۋتيندى اتالعان ەلدىڭ مەملەكەتتىك مەرەكەسى – رەسەي كۇنىمەن قۇتتىقتادى.
"قازاقستان باۋىرلاس رەسەيمەن ستراتەگيالىق سەرىكتەستىك جانە وداقتاستىق رۋحىندا دايەكتى تۇردە دامىپ كەلە جاتقان دوستىق ءارى تاتۋ كورشىلىك قارىم-قاتىناستى جوعارى باعالايدى. ءسىزدىڭ جۋىردا قازاقستانعا جاساعان مەملەكەتتىك ساپارىڭىز ايرىقشا مانگە يە. ونىڭ ناتيجەسى ءوزارا ءتيىمدى ىنتىماقتاستىقتىڭ كوكجيەگىن كەڭەيتىپ، اۋقىمدى جوبالار مەن باستامالاردى جۇزەگە اسىرۋعا تىڭ سەرپىن بەردى. بىرلەسكەن كۇش-جىگەرىمىزدىڭ ارقاسىندا قازاقستان مەن رەسەي اراسىنداعى مەملەكەتارالىق بايلانىستار الداعى ۋاقىتتا بارلىق سالادا قارقىندى دامي بەرەدى دەپ سەنەمىن", – دەلىنگەن جەدەلحاتتا.
قاسىم-جومارت توقاەۆ ۆلاديمير ءپۋتيننىڭ رەسەي فەدەراتسياسىنىڭ يگىلىگى مەن وركەندەۋى جولىنداعى جاۋاپتى مەملەكەتتىك قىزمەتىنە تولايىم تابىس تىلەدى.
