15 ماۋسىم كۇنى وتكەن الەم چەمپيوناتىنىڭ توپتىق كەزەڭىندە وتكەن ءتورت ويىن تەڭ ەسەپپەن اياقتالدى، دەپ حابارلايدى "ادىرنا" ۇلتتىق پورتالى چەمپيونات سايتىنا سىلتەپ.
بۇل – الەم چەمپيوناتتارى تاريحىنداعى سيرەك كەزدەسەتىن جاعدايلاردىڭ ءبىرى. ويىن كۇنىنىڭ ناتيجەلەرى بويىنشا يسپانيا قۇراماسى كابو-ۆەردەمەن 0:0 ەسەبىمەن تەڭ تۇسسە، بەلگيا مەن مىسىر قۇرامالارى 1:1 ەسەبىمەن تارقاستى.
سونداي-اق ساۋد ارابياسى مەن ۋرۋگۆاي اراسىنداعى كەزدەسۋ دە 1:1 ەسەبىمەن اياقتالدى. ال يران مەن جاڭا زەلانديا قۇرامالارىنىڭ ماتچىندا جانكۇيەرلەر ءتورت گولدىڭ كۋاسى بولىپ، ويىن 2:2 ەسەبىمەن تەڭ اياقتالدى.
ءبىر كۇندە وتكەن ءتورت ماتچتىڭ دا تەڭ اياقتالۋى الەم چەمپيوناتتارى تاريحىندا ەكىنشى رەت تىركەلىپ وتىر. بۇعان دەيىن مۇنداي كورسەتكىش 1958 جىلعى دۇنيەجۇزىلىك دودادا بولعان ەدى. سول كەزدە ءبىر ويىن كۇنىندە وتكەن سەگىز كەزدەسۋدىڭ تورتەۋى تەڭ ناتيجەمەن اياقتالعان.
