پاۆلودارداعى فيتنەس-كلۋبتاردىڭ بىرىندە جاتتىعۋدان كەيىن جەرگىلىكتى بلوگەردىڭ سومكەسىندە بولعان پاۋەربانك جارىلىپ، ول اۋىر كۇيىك الدى، دەپ حابارلايدى "ادىرنا" ۇلتتىق پورتالى كريمينالنىي كازاحستان-عا سىلتەپ.
زارداپ شەككەن قىزدىڭ ايتۋىنشا، وقيعا ۇيىنە قايتۋعا دايىندالىپ جاتقان ساتتە بولعان. ول باستاپقىدا سومكەسىنەن شىققان قويۋ ءتۇتىندى بايقاماعان. ال سومكەنى شەشۋگە ارەكەتتەنگەن كەزدە پاۋەربانك جارىلىپ كەتكەن. جارىلىستىڭ سالدارىنان جالىن قىزدىڭ باسى مەن قولىن شارپىپ، ول اۋىر كۇيىك جاراقاتتارىن العان.
فيتنەس-كلۋب قىزمەتكەرلەرى وقيعا بولعان ساتتە دەرەۋ كومەك كورسەتكەن. الايدا ءورتتى تولىقتاي عيماراتتىڭ سىرتىنا شىققاننان كەيىن عانا ءسوندىرۋ مۇمكىن بولعان.
زارداپ شەگۋشى مەديتسينالىق مەكەمەگە جەتكىزىلىپ، دارىگەرلەر ونىڭ جاراقاتتارىن اۋىر دەپ باعالاعان. مامانداردىڭ ايتۋىنشا، كۇيىكتەر جازىلعاننان كەيىن دەنەسىندە تىرتىقتار قالۋى مۇمكىن.
سونىمەن قاتار، بلوگەر قىز اۋرۋحاناعا جاتۋدان باس تارتقانى حابارلاندى.
