«پاۆلودارجولدارى» كومپانياسى 2024 جىلى 569 ملن تەڭگە كولەمىندە پايدا تاپتى، دەپ حابارلايدى "ادىرنا" ۇلتتىق پورتالى كۋرسيۆكە سىلتەپ.
بۇل كورسەتكىش 2023 جىلعى 286,9 ملن تەڭگەمەن سالىستىرعاندا ەكى ەسە جوعارى. مۇنداي دەرەكتەر ۇيىمنىڭ قارجىلىق ەسەبىندە جاريالاندى.
ۇلتتىق بانكتىڭ 8 جەلتوقسانداعى رەسمي باعامى (504,49 تەڭگە/$1) بويىنشا كومپانيانىڭ جىلدىق پايداسى 1,1 ملن دوللاردان استى.
كومپانيانىڭ جىلدىق تابىسى دا ءوسىم كورسەتتى. 2023 جىلعى 5,5 ملرد تەڭگەدەن 7,2 ملرد تەڭگەگە دەيىن كوبەيگەن.
2024 جىلى «پاۆلودارجولدارى» جالعىز يەسىنە 273 ملن تەڭگە ديۆيدەند تولەدى. 2023 جىلى بۇل كورسەتكىش 93,3 ملن تەڭگەنى قۇراعان. كومپانيانىڭ جارعىلىق كاپيتالى – 300 ملن تەڭگە، ال بولىنبەگەن پايدا كولەمى 2024 جىلدىڭ سوڭىندا 2,1 ملرد تەڭگەگە جەتتى.
ۇيىمنىڭ باس ديرەكتورى ءارى جالعىز يەسى – پاۆلودار وبلىستىق ءماسليحاتىنىڭ دەپۋتاتى رۋستام مازعۇتوۆ. كومپانيا پاۆلودار وبلىسى ماي اۋدانىنداعى كوكتوبە اۋىلىندا تىركەلگەن.
2024 جىلدىڭ سوڭىندا ساتىپ الۋشىلاردىڭ قىسقامەرزىمدى دەبيتورلىق بەرەشەگى 41,9 ملن تەڭگەنى قۇرادى. ونىڭ 36,1 ملن تەڭگەسى ۇلتتىق كومپانيا «قازاۆتوجولعا» تيەسىلى.
سونىمەن قاتار كومپانيا قىزمەتكەرلەرىنە 17,6 ملن تەڭگە جالاقى قارىز بولعانى انىقتالدى. اۋديتوردىڭ مالىمەتىنشە، بۇل قارىز 2025 جىلدىڭ 10 قاڭتارىندا وتەلگەن.
«پاۆلودارجولدارىنىڭ» نەگىزگى قىزمەت باعىتى – جول قۇرىلىس جۇمىستارى. قاراشا ايىنىڭ سوڭىندا كومپانيا ماي اۋدانىنداعى اقشيمان كەن ورنىندا قۇرىلىس تاسىن جانە ساز توپىراعىن ءوندىرۋدى باستاۋدى جوسپارلاپ وتىرعانىن حابارلاعان.
ء"ۇي ىشىنەن ءۇي تىگۋگە جول بەرىلمەيدى" - دەپۋتات قىزىلجارلىق سەپاراتيستەرگە قاتىستى مالىمدەمە جاسادى
