«ساراتوۆ – الماتى» باعىتىنداعى №7/8 جولاۋشىلار پويىزىنىڭ ءبىر ۆاگونى رەلستەن شىعىپ كەتتى، دەپ حابارلايدى "ادىرنا" ۇلتتىق پورتالى.
وقيعا 16 ماۋسىم كۇنى ساعات 12:49-دا شيەلى مەن تۇركىستان بەكەتتەرىنىڭ ارالىعىندا تىركەلدى. «جولاۋشىلار تاسىمالى» اق ءباسپاسوز قىزمەتىنىڭ مالىمەتىنشە، پويىز شۇعىل توقتاتىلىپ، جولاۋشىلاردىڭ قاۋىپسىزدىگىن قامتاماسىز ەتۋ بويىنشا قاجەتتى شارالار قابىلدانعان. الدىن الا اقپاراتقا سايكەس، ءبىر ۆاگوننىڭ دوڭعالاق جۇبى رەلستەن شىعىپ كەتكەن.
وقيعا ورنىنا مەديتسينالىق قىزمەتكەرلەر جىبەرىلگەنىمەن، جولاۋشىلاردىڭ ەشقايسىسى مەديتسينالىق كومەكتى قاجەت ەتپەگەن جانە ۇسىنىلعان كومەكتەن باس تارتقان.
سونداي-اق، ۆاگوندى قالپىنا كەلتىرۋ جۇمىستارىن جۇرگىزۋ ءۇشىن جوندەۋ بريگاداسى جەدەل تۇردە وقيعا ورنىنا اتتاندىرىلدى. جولاۋشىلاردى دىتتەگەن جەرىنە جەتكىزۋ ماقساتىندا قوسىمشا پويىز ۇيىمداستىرىلىپ، ولاردى وتىرعىزۋ جانە جونەلتۋ جۇمىستارى جەدەل جۇزەگە اسىرىلدى.
«جولاۋشىلار تاسىمالى» اق ورىن العان قولايسىزدىقتار ءۇشىن جولاۋشىلاردان كەشىرىم سۇراپ، جاعدايدى قالىپقا كەلتىرۋ بويىنشا بارلىق قاجەتتى شارالار قابىلدانىپ جاتقانىن حابارلادى.
«قازاقستان تەمىر جولى» ۇلتتىق كومپانياسىنىڭ باسقارما توراعاسى تالعات الدىبەرگەنوۆ بۇگىن، 16 ماۋسىمدا ۇكىمەتتە وتكەن بريفينگ وتكىزىپ، سالاعا قاتىستا ساۋالدارعا جاۋاپ بەرگەن بولاتىن.
