«Saratov – Almaty» baǧytyndaǧy №7/8 jolauşylar poiyzynyŋ bır vagony relsten şyǧyp kettı, dep habarlaidy "Adyrna" ūlttyq portaly.
Oqiǧa 16 mausym künı saǧat 12:49-da Şielı men Türkıstan beketterınıŋ aralyǧynda tırkeldı. «Jolauşylar tasymaly» AQ baspasöz qyzmetınıŋ mälımetınşe, poiyz şūǧyl toqtatylyp, jolauşylardyŋ qauıpsızdıgın qamtamasyz etu boiynşa qajettı şaralar qabyldanǧan. Aldyn ala aqparatqa säikes, bır vagonnyŋ doŋǧalaq jūby relsten şyǧyp ketken.
Oqiǧa ornyna medisinalyq qyzmetkerler jıberılgenımen, jolauşylardyŋ eşqaisysy medisinalyq kömektı qajet etpegen jäne ūsynylǧan kömekten bas tartqan.
Sondai-aq, vagondy qalpyna keltıru jūmystaryn jürgızu üşın jöndeu brigadasy jedel türde oqiǧa ornyna attandyryldy. Jolauşylardy dıttegen jerıne jetkızu maqsatynda qosymşa poiyz ūiymdastyrylyp, olardy otyrǧyzu jäne jöneltu jūmystary jedel jüzege asyryldy.
«Jolauşylar tasymaly» AQ oryn alǧan qolaisyzdyqtar üşın jolauşylardan keşırım sūrap, jaǧdaidy qalypqa keltıru boiynşa barlyq qajettı şaralar qabyldanyp jatqanyn habarlady.
«Qazaqstan temır joly» ūlttyq kompaniiasynyŋ basqarma töraǧasy Talǧat Aldybergenov bügın, 16 mausymda Ükımette ötken brifing ötkızıp, salaǧa qatysta saualdarǧa jauap bergen bolatyn.
