Almaty äkımdıgı qaŋtar oqiǧalary kezınde bülıngen kölık ielerıne 258 million teŋge töledı. Būl turaly qala baspasöz qyzmetı mälımdedı, dep habarlaidy “Adyrna” ūlttyq portaly.
Almaty qalasy audandarynyŋ äkımdıkterıne avtokölık ielerınen keltırılgen zalaldy öteu turaly 99 ötınış tüskenı habarlandy. Jeke tūlǧalarǧa keltırılgen şyǧyndy öteu tetıgıne säikes (Ükımettıŋ 2013 jylǧy 28 tamyzdaǧy №877 qaulysymen bekıtılgen Terrorizm aktısı saldarynan jeke jäne zaŋdy tūlǧalarǧa keltırılgen mülıktık ziiandy öteu qaǧidalary boiynşa) jalpy somasy 258 million teŋgege 54 ötınım qanaǧattandyryldy (Almaly audany - 33, Äuezov audany - 9, Türksıb audany - 12).
"Audan äkımdıkterınıŋ qarauynda bülıngen jäne janyp ketken avtokölıkter jönınde taǧy 45 ötınım bar (Bostandyq audany - 40, Medeu audany - 5). Olar boiynşa tölemderdı biyl 15 mamyrǧa deiıngı merzımde jürgızu josparlanyp otyr. Qosymşa ötınımderdıŋ tüsuıne qarai Almatynyŋ audandyq äkımdıkterı osy baǧyttaǧy jūmysty jalǧastyratyn bolady", - dedı äkımdık ökılderı.Aita keteiık, ötınışterdı audandyq äkımdıkter tüsken künnen bastap 1 ai ışınde qaraidy. Mülıkke keltırılgen zalaldy baǧalau ötınış tırkelgen künnen bastap 7 kün merzım belgılenedı jäne zardap şeguşınıŋ özı taŋdaǧan täuelsız sarapşylar jürgızedı. Baǧalau boiynşa şyǧystardy jürgızu audandyq äkımdıkter tūlǧasyndaǧy memlekettık organdarǧa jüktelgen.
”Adyrna” ūlttyq portaly
Ūqsas jaŋalyqtar
