Almaty oblysy Ötegen batyr auylynda anasy öz balasyn 16 jerden pyşaqtaǧan, dep habarlaidy “Adyrna” ūlttyq portaly. Oqiǧa jaily Angry_taldyk instagram paraqşasy jariialady.
Oqiǧa oryn alǧan jerge jedel järdemdı balany atasy şaqyrǧan.
"Därıgerler balanyŋ denesınde, arqasynan, moinynan, qoldarynan barlyǧy 16 pyşaq jaraqatyn anyqtady. Anasy tıptı ūlynyŋ tamaǧyn pyşaqpen tılgılep ülgergen. Bala şūǧyl türde operasiia bölımıne jetkızıldı. Zardap şeguşınıŋ müşelerın teksergennen keiın, hirurgtardan, anesteziolog-reanimatologtardan qūralǧan därıgerler operasiiaǧa kırısken", - dep jazady jazba avtory.Būdan bölek, balaǧa travmatikalyq jäne gemorragiialyq şok diagnozy qoiyldy.
"Operasiianyŋ sättı aiaqtalǧanyn, balanyŋ jaǧdaiy auyr, bıraq tūraqty ekenın bılgennen keiın ǧana men bolǧan oqiǧa jaiynda bölısudı jön sanadym", - dep jalǧastyrady avtor.Keiın belgılı bolǧandai, balanyŋ anasy soŋǧy üş künnen berı bırtürlı mınez-qūlyq tanytqan.
"Balanyŋ anasy keiıngı üş künde özın bırtürlı ūstaǧany belgılı boldy: ol üidegı barlyq adamnan jasyrynǧan. Äiel özın Tik-Tok keiıpkerlerı öltırgısı keletının aitqan. Al ūly oǧan oiynǧa qatysuşylardyŋ bırı bolyp körıngen", - delıngen habarlamada.Almaty oblysy polisiiasy küdıktınıŋ ūstalǧanyn jäne polisiia bölımınde ekenın mälımdedı.
"Saǧat 15:00 şamasynda 10 jasar bala köptegen pyşaq jaraqatymen Ötegen batyr auylyndaǧy balalar auruhanasyna tüstı. Tekseru barysynda balaǧa anasynyŋ pyşaq sūqqany anyqtaldy. Küdıktıge qatysty sot-psihiatriialyq saraptama taǧaiyndaldy, ony psihologiialyq dispanserge ornalastyru mäselesı şeşılude. Atalǧan derek boiynşa QR Qylmystyq kodeksınıŋ 106-baby "Densaulyqqa qasaqana auyr ziian keltıru" boiynşa sotqa deiıngı tergeu amaldary jürgızılude. Bırqatar saraptama taǧaiyndaldy. Tergeu barysynda ıstıŋ barlyq män-jaiy anyqtalady", - dep habarlady Almaty oblystyq PD baspasöz qyzmetı.
“Adyrna” ūlttyq portaly
Ūqsas jaŋalyqtar
