پرەزيدەنت قاسىم-جومارت توقاەۆ بۇۇ-نىڭ وڭىرلىك ورتالىعىنا قاتىستى ەكى زاڭعا قول قويدى. بۇل تۋرالى بۇگىن، 17 ماۋسىمدا اقوردا جازدى، دەپ حسبارلايدى «ادىرنا» ءتىلشىسى.
«مەملەكەت باسشىسى «قازاقستان رەسپۋبليكاسىنىڭ ۇكىمەتى مەن بىرىككەن ۇلتتار ۇيىمى اراسىنداعى قازاقستان رەسپۋبليكاسىندا بىرىككەن ۇلتتار ۇيىمىنىڭ ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى وڭىرلىك ورتالىعىن قۇرۋ تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭى مەن «قازاقستان رەسپۋبليكاسىنىڭ ۇكىمەتى مەن بىرىككەن ۇلتتار ۇيىمى اراسىنداعى بىرىككەن ۇلتتار ۇيىمىنىڭ ورتالىق ازيا مەن اۋعانستان ءۇشىن ورنىقتى دامۋ سالاسىنداعى ماقساتتار جونىندەگى وڭىرلىك ورتالىعىنا قاتىستى ءوزارا تۇسىنىستىك تۋرالى مەموراندۋمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى»،– دەلىنگەن حابارلامادا.
ايتا كەتەيىك، وڭىرلىك ورتالىق تۇراقتى دامۋ ماقساتتارىن ىسكە اسىرۋ بويىنشا وڭىرلىك ۇيلەستىرۋدى كۇشەيتۋگە، تەحنيكالىق كومەك باعدارلامالارىنىڭ تيىمدىلىگىن ارتتىرۋعا، تاجىريبە الماسۋ مەن ساراپتامالىق قولداۋدى دامىتۋعا، سونداي-اق قازاقستاننىڭ بۇۇ جانە ايماق مەملەكەتتەرىمەن ىنتىماقتاستىعىن نىعايتۋعا باعىتتالعان.
