الماتى وبلىستىق پد باستىعىنىڭ بۇرىنعى ءبىرىنشى ورىنباسارى سەرىك شالقاروۆ جاڭا قىزمەتكە تاعايىندالدى، دەپ حابارلايدى "ادىرنا" ۇلتتىق پورتالى.
ول اقتوبە وبلىسى پد باستىعىنىڭ ءبىرىنشى ورىنباسارى قىزمەتىنە كىرىستى. بۇل اقپاراتتى وڭىرلىك پوليتسيا دەپارتامەنتىنىڭ ءباسپاسوز قىزمەتى راستادى.
شالقاروۆ 2024 جىلدىڭ كۇزىندە تالعاردا 16 جاستاعى شەرزات پولاتتىڭ قازاسىنان كەيىن تەرگەۋ بارىسىنا قاتىستى تۇسىنىكتەمە بەرگەن. قوعامدىق رەزونانس پەن قۇقىق قورعاۋ ورگاندارىنىڭ جۇمىسىنا ايتىلعان سىننان كەيىن ءىىم وڭىردە بىرقاتار كادرلىق وزگەرىستەر جۇرگىزىپ، سونىڭ ناتيجەسىندە سەرىك شالقاروۆ ءوز قىزمەتىنەن بوساتىلعان ەدى. مينيسترلىك بۇل شەشىمنىڭ قىلمىستىق توپتارعا قولداۋ كورسەتۋگە قاتىستى ايىپتاۋلارمەن ەمەس، وقيعادان كەيىن انىقتالعان قىزمەتتىك كەمشىلىكتەرمەن بايلانىستى قابىلدانعانىن مالىمدەگەن.
