الماتى وبلىسىنىڭ تۇرعىنى نەسيەسىن تولەۋ ءۇشىن بالاسىن ساتىپ جىبەرگەن. بۇل تۋرالى ىشكى ىستەر مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
24 جاستاعى جۇكتى ايەل “بالامدى ساتامىن” دەگەن حابارلاندىرۋ جاريالاپ، بالاسى جوق ەرلى-زايىپتىلارمەن تانىسادى. ولار ايەلدىڭ نەسيەسىن وتەپ بەرىپ، ورنىنا بالانى الاتىن بوپ كەلىسكەن ەكەن.
وسىعان ۇقساس تاعى ءبىر وقيعا شىمكەنت قالاسىندا دا تىركەلگەن. 23 جاستاعى ايەل 45 جاستاعى ايەلمەن دەلدال ارقىلى كەلىسىمگە كەلىپ، بالاسىن ساتۋعا بەل بۋعان.
پروكۋراتۋرانىڭ حابارلاۋىنشا، قازىر كۇدىكتىلەر قاماۋعا الىنىپ، نارەستەلەر بالالار ۇيىنە تاپسىرىلدى. اتالعان فاكتىلەر بويىنشا «كامەلەتكە تولماعانداردى ساۋدالاۋ» بابىمەن سوتقا دەيىنگى تەرگەۋ امالدارى باستالعان.
