جەلىدە Small ساۋدا جەلىسىندەگى دۇكەندەردىڭ بىرىندە بولعان تىلگە قاتىستى وقيعا كەڭىنەن تالقىلانۋدا. بەينەجازبادا قىزمەتكەردەن ورىس تىلىندە جاۋاپ بەرۋدى تالاپ ەتكەن گالينا ليسس جاۋاپقا تارتىلدى، دەپ حابارلايدى "ادىرنا".
كادرلاردا كاسسير ۋاقىتشا جۇمىس ىستەمەي تۇرعان كاسسا تۋرالى اقپاراتتى قازاق تىلىندە ءتۇسىندىرىپ، جاقىن ارادا باسقا قىزمەتكەر كەلەتىنىن ايتقان. الايدا ساتىپ الۋشى ونىڭ جاۋابىنا قاناعاتتانباي، ورىس تىلىندە قىزمەت كورسەتۋدى تالاپ ەتكەن.
وقيعا جاريالانعاننان كەيىن الەۋمەتتىك جەلى قولدانۋشىلارى دۇكەن قىزمەتكەرىنە قولداۋ ءبىلدىرىپ، ماسەلەنى قۇقىقتىق تۇرعىدان قاراستىرۋدى سۇرادى.
الماتى قالالىق پوليتسيا دەپارتامەنتىنىڭ مالىمەتىنشە، وقيعا الماتىدا بولعان. تەكسەرۋ بارىسىندا جانجال شىعارعان ايەل 20 ايلىق ەسەپتىك كورسەتكىش كولەمىندە اكىمشىلىك ايىپپۇلعا تارتىلدى. بۇل شامامەن 86 500 تەڭگەنى قۇرايدى.
پوليتسيا قوعامدىق ورىنداردا ءتارتىپ تالاپتارىن ساقتاۋعا شاقىرىپ، اگرەسسيا، ادەپسىز مىنەز-قۇلىق جانە قوعامدا الاۋىزدىق تۋدىرۋى مۇمكىن ارەكەتتەر زاڭ اياسىندا جاۋاپكەرشىلىككە اكەلەتىنىن ەسكەرتتى.
