قورعانىس مينيسترلىگىنىڭ اسكەري قىزمەتشىسى باۋىرجان ابدىقايىم الماتى قالاسىندا ناۋرىز مەيرامىنا وراي ۇلتتىق سپورت تۇرلەرىنەن وتكەن جارىستا قازاقستاننىڭ جاڭا رەكوردىن ورناتتى. بۇل تۋرالى مينيسترلىك جاريالادى، دەپ حابارلايدى “ادىرنا” ۇلتتىق پورتالى.
مينيسترلىك مالىمەتىنشە، ەفرەيتور ب.ابدىقايىم سالماعى 50 كەلى قوشقاردى ەكى ساعاتتا 2050 رەت كوتەرىپ، جاڭا رەكورد ورناتتى. وسىدان ءبىر جىل بۇرىن باۋىرجان قوشقاردى 1600 رەت كوتەرگەن بولاتىن. جالپى، بۇل ونىڭ وسىنداي جارىستاعى سەگىزىنشى جەڭىسى.
سپورتشى الماتىدا ۇيىمداستىرىلاتىن رەسپۋبليكالىق، قالالىق مارافوندار مەن ءىرى سپورتتىق ءىس-شارالارعا تۇراقتى قاتىسىپ كەلەدى. ال بيىل وتان قورعاۋشى كۇنىنە وراي الماتىدان تارازعا دەيىن جۇگىرىپ جەتۋدى جوسپارلاپ وتىر.
ەفرەيتور باۋىرجان ابدىقايىم ورتالىق سپورت كلۋبىندا 2017 جىلدىڭ مامىر ايىنان كومەندانتتىق ۆزۆودتىڭ اعا ساربازى لاۋازىمىندا قىزمەت اتقارىپ كەلەدى.
