الماتى قالاسى اكىمىنىڭ حالىققا ەسەپ بەرۋى كەزىندەگى «يتتەرمەن سويلەسىپ، ەسكەرتۋ بەردىك» دەگەن پوليتسەي سىننىڭ استىندا قالدى. بۇل تۋرالى جەلىدە ۆيدەو تارادى، دەپ حابارلايدى “ادىرنا” ۇلتتىق پورتالى.
ۆيدەودان پوليتسيا قىزمەتكەرىنىڭ «يتتەرمەن سويلەسىپ، يت-مىسىقتارمەن ءبىراز نەعىپ.. ەسكەرتۋ بەرگەنبىز وعان»، دەپ ايتقان ءساتىن كورۋگە بولادى.
ۆيدەونى كورگەن كوپشىلىك اراسىندا پوليتسەيدىڭ وزىنە ەسكەرتۋ بەرمەي، بىردەن ايىپپۇل سالعان ءساتىن ەسىنە الىپ رەنجىگەندەر بولدى.
«2023 جىلى ءبىزدىڭ پوليتسەيلەر قاسقىرلارمەن سويلەسەدى». «تىڭداماعان مىسىق پەن يتتەر اتىلسا وزدەرىنەن كورسىن». «نە دەگەن قۇرمەت. ءتىلىن ۇيرەنىپ، تۇسىندىرگەن ەڭبەگىن باعالايىق. الەمدى قايران قالدىرايىق مىنا جاڭالىق قازاقستان دەڭگەيىندە قالماسىن»، - دەپ جازعان ولار.
